د. ەلەۋسىنوۆ قازاقستان پرەزيدەنتىنە وليمپيادادان التىنمەن ورالۋعا ۋادە بەردى
«اسا مارتەبەلى ەلباسى! ءسىزدىڭ ءسوزىڭىز بىزگە قۋات بەردى. ونى ءبىز التىنمەن وتەۋگە تىرىسامىز. ءبىزدىڭ بوكسشىلار وليمپيادادان ەشقاشان جۇلدەسىز ورالعان ەمەس. ەلىمىز جازعى وليمپيادالاردا جەڭىپ العان 52 مەدالدىڭ 17- بىلعارى قولعاپ شەبەرلەرىنىڭ ۇلەسىندە جانە ونىڭ 6 اۋى التىن. ەل قورجىنىنا ەڭ كوپ التىن مەدال سالعان دا، ەڭ كوپ التىن العان دا بوكسشىلار. ءبىز ماڭگىلىك ەلىمىزدىڭ كوك تۋىن ءارقاشان بيىك ۇستايمىز. ول الەمدەگى ەڭ بيىكتەرگە جەلبىرەۋگە لايىق تۋ»، - دەدى بوكسشى.
وسى رەتتە د. ەلەۋسىنوۆ وليمپيادا التىنىن العان سپورتشىنى ق ر پرەزيدەنتىنىڭ قوڭىراۋ شالىپ قۇتتىقتايتىندىعىن، بۇعان الەم سپورتشىلارى قىزىعا دا، قىزعانا قارايتىندىعىن اتاپ ءوتتى.
«قازاقستان الەمدەگى ءاربىر سپورتشىسىنا اكەلىك قامقورلىق جاسايتىن پرەزيدەنتى بار بىردەن-ءبىر مەملەكەت. ءبىز ءسىزدىڭ سەنىمىڭىزدى اقتايمىز. كوك تۋىمىزدى وليمپ شىڭىندا جەلبىرەتۋگە بار كۇشىمىزدى سالامىز»، - دەد ول.
اۆتور: مارلان جيەمباي