ن. نازاربايەۆ ءاربىر قازاقستاندىق وليمپياداشىعا جانكۇيەر بولۋعا ۋادە بەردى
17:16, 04 - شىلدە 2016
استانا. قازاقپارات - بۇگىن اقوردادا ريو وليمپياداسىنا باراتىن سپورتشىلارمەن كەزدەسۋ بارىسىندا ەلباسى نۇرسۇلتان نازاربايەۆ ولاردىڭ ءارقايسىسىنا جانكۇيەر بولاتىندىعىن ايتتى.
«كوپشىلىگى جاس، سىزدەردىڭ الدارىڭىزدا تاعى دا سان ءتۇرلى جارىستار بولادى. سىزدەر بارشا قازاقستان، ونىڭ ىشىندە مەنىڭ دە سىزدەردىڭ ءارقايسىلارىڭىزعا جانكۇيەر بولاتىندىعىمدى ەستە ۇستاۋعا تيىسسىزدەر. سىزدەردىڭ قاتىسۋلارىڭىز بارشا قازاقستاندىقتاردى شابىتتاندىرادى، ولاردى قۋانتادى. سوندىقتان سىزدەردىڭ الداعى جەڭىستەرىڭىزدى ءبىز قازاقستان تاۋەلسىزدىگىنىڭ 25 جىلدىعىنا سىي رەتىندە كۇتەمىز»، - دەدى ەلباسى.
اۆتور: مارلان جيەمباي