ءومىردى وزگەرتەتىن ءپالساپا

 استانا. قازاقپارات - ءومىردى وزگەرتكىڭىز كەلسە، ءوزىڭىزدى وزگەرتىڭىز. ول تۇك قيان ەمەس. اۋزىڭىزدان شىققان ءسوز بەن اتتاعان قادامىڭىزعا مۇقيات بولساڭىز بولعانى.

قاتەلىگىڭىز بەن كىناڭىزدى دەر كەزىندە كورە ءبىلىپ، ورنىن تولتىرۋدى دا ەستەن شىعارماڭىز.

كەشىرىم سۇراۋمەن قاتار، ءوزىڭىز دە كەشىرىمدى بولىڭىز.

تىڭ ويلار باسقالار باسىندا بولاتىنىن دا مويىنداڭىز. باستىسى كىم ءبىرىنشى ايتقانى ەمەس، يدەيانى العاش كىم جۇزەگە اسىرعانى ماڭىزدى.

كەزى كەلگەندە كەز كەلگەن كىسىگە كومەك كورسەتىڭىز. ويلارى مەن ىستەرىن قولداپ، جەتىستىككە جەتەرىنە سەنىم ءبىلدىرىڭىز. ءسىزدىڭ ماقۇلداۋىڭىز وعان دەم بەرىپ، قۇزار شىڭنىڭ باسىنا شىعارۋى ىقتيمال.

ومىرلىك ۇرانىڭىز مىناۋ بولسىن: ەشكىمگە ەشقاشان زيانىڭىزدى تيگىزبەۋ.

ءوز ارتىقشىلىعىڭىزدى وزگەلەرگە ۇنەمى ۇستەمەلەي بەرۋدىڭ قاجەتى جوق. مۇنىمەن تەك جاۋلارىڭىزدى كوبەيتىپ الاسىز. ادامدارمەن تاتۋ تۇرعىڭىز كەلسە، ولار ەرەكشەلىگىڭىزدى وزدەرى بايقايتىنداي جاعداي جاساڭىز.

داۋدى توقتاتقىڭىز كەلسە، «مۇمكىن، مەن قاتەلەسكەن شىعارمىن» دەڭىز. سوندا كەلىسپەۋشىلىك سەبەبى جوعالادى. داۋ دا اياعىنا جەتىپ، ءبىر شەشىمگە كەلەسىزدەر. ءوز ويىڭىزدى دالەلدەگىڭىز كەلسە، «مەن سىزدەر سياقتى شەشەن ءتىلدى ەمەسپىن، ءبىراق مەنىكى دۇرىس» دەڭىز.

سويلەپ وتىرعان ادامنىڭ پىكىرىمەن كەلىسپەسەڭىز، ونىڭ ءسوزىن ءبولۋ ارقىلى توقتاتا المايسىز. ول ءبارىبىر ءسوزىن اياقتامايىنشا تىنىشتالمايدى.

ادامنىڭ جاقسى جاعىن عانا كورۋگە تىرىسىڭىز. ال ەشقانداي قايىرىمدىلىق، پاراساتتىلىق بايقاي الماساڭىز، وعان ۇلگى بولارلىق ادامدى كورسەتىڭىز. ول كىسى مۇنى قۇپتايدى.

ەشكىمدى ەشقاشان كەلەكەلەپ، تومەندەتپەڭىز.

جاقسى تىڭداۋشى بولىڭىز، از سويلەڭىز.

سوزىڭىزگە قۇلاق ءتۇرسىن دەسەڭىز، بۇيىرىپ ايتپاي، ۇسىنىپ كورىڭىز.

 ەشكىمدى سىناپ- مىنەمەڭىز. ەگەر ايتپاسقا ءتىلىڭىز اۋزىڭىزعا سىيماي بارا جاتسا، جەكە باسىنا نۇقسان كەلتىرمەي، تەك كاسىبي جاعدايىن عانا سىناۋعا بولادى.

ادامداردىڭ ىسىنە باسا ءمان بەرىڭىز. سوندا ولاردى بوسقا الداندىرماي، شىنايى ماقتايتىن سەبەپ تاباسىز.

اشۋشاڭدىق ادامنىڭ سىرتقى قولداۋ مەن كومەككە ماجبۇرلىگىنەن تۋادى. سوندىقتان ادامداردىڭ بۇل جاعدايىنا تۇسىنىستىك تانىتىڭىز.

وزگەلەر جونىندە تەك جاقسى پىكىر عانا ايتىڭىز. ال ولاي ايتا الماساڭىز، ۇندەمەگەن ءجون.

ادامداردى تولىق اتىمەن اتاڭىز. بۇل ەسىمىن قىسقارتىپ نە الدەبىر ويدان شىعارىلعان اتاۋلارمەن شاقىرعانعا قاراعاندا جاعىمدىراق. ونىڭ تۇلعالىق بولمىسىنا قۇرمەتىڭىزدى وسىلاي ءبىلدىرىڭىز.

 اياق استىنان اشۋ شاقىرساڭىز، ەشكىمگە سويلەمەڭىز، شىداڭىز، سابىرعا كەلىڭىز، ەموتسياڭىزدى سىرتقا شىعارماڭىز. جاعدايدى ۋشىقتىرماڭىز.

ادامدارعا سەبەپسىز سىيلىق بەرىڭىز. بۇل ءسىزدىڭ مەرەكەنى كۇتپەي، جاقىندارىڭىزدى كەز كەلگەن ساتتە قۋانتۋعا بار ەكەنىڭىزدى دالەلدەيدى.

كەز كەلگەن اڭگىمەنى جاقسى كوڭىل كۇيمەن اياقتاڭىز.

قانداي قيىندىق بولسا دا، ۇنەمى كۇلىمدەپ ءجۇرىڭىز. كۇلىمدەڭىز.

massaget.kz