ريودا قازاقستان تۋىن تاەكۆوندوشى رۋسلان جاپاروۆ ۇستاپ شىعادى
16:04, 05 - شىلدە 2016
استانا. قازاقپارات - بۇگىن اقوردادا ريو وليمپياداسىنا باراتىن سپورتشىلارمەن كەزدەسكەن ەلباسى نۇرسۇلتان نازاربايەۆ سالتاناتتى تۇردە قازاقستان تۋىن تاەكۆوندوشى رۋسلان جاپاروۆقا تابىستادى.
«ءبىزدىڭ تۋدى رۋسلان جاپاروۆ قابىلداپ الادى. ول بۇل تۋدى وليمپيادا ستاديونىنا سالتاناتپەن الىپ كىرىپ، ۇلكەن جەڭىستەرمەن ورالسىن»، - دەگەن ەلباسى تۋدى سپورتشىعا تابىس ەتتى.
«اسا قۇرمەتتى ەلباسى! ءسىزدىڭ قولىڭىزدان العان بايراعىمىزدى تەك بيىكتە جەلبىرەتۋگە بار كۇش-جىگەرىمىزدى سالامىز. ەلىمىزدىڭ ءانۇرانىن اسقاقتاتىپ قايتۋعا سەرت بەرەمىز. سەنىمىڭىزگە راحمەت!» - دەدى ر. جاپاروۆ.
اۆتور: مارلان جيەمباي