ق ر ۇلتتىق ۇلانىنىڭ جالعىز ۇشقىش قىزى ءوزىنىڭ العاشقى ۇشۋىن استانا كۇنىنە ارنايدى - فوتو
ول ءوزىنىڭ العاشقى ۇشۋ ساپارىن سۇيىكتى قالاسى - استانانىڭ تۋعان كۇنىنە ارناماق. اردانا ق ر ۇلتتىق ۇلانى قۇرامىنداعى جالعىز ۇشقىش قىز. ول قاراعاندى وبلىسىندا تۋىپ-وسكەن. كوپ جىلدار استانادا تۇرعان.
ق ر ۇلتتىق ۇلانى قولباسشىلىعى اسكەري وقۋ ورنىن ءبىتىرىپ كەلگەن ۇشقىش قىزدىڭ ءوتىنىشىن قۇپ كورىپ، 6- شىلدە كۇنى اسكەري ۇشاقتىڭ شتۋرۆالىنا وتىرۋعا مۇمكىندىك بەرىپ وتىر.
«مەن 2011-جىلى استانا قالاسىنداعى 2№ مەكتەپ-گيمنازياسىن بىتىرگەن سوڭ، سول جىلى الماتىداعى ازاماتتىق اۆياتسيا اكادەمياسىنا «ۇشۋ اپپاراتارى مەن قوزعالتقىشتارىنىڭ ۇشۋ ەكسپلۋاتاتسياسى» ماماندىعى بويىنشا وقۋعا ءتۇستىم. 2013-جىلى قازاقستان مەن فينليانديا اراسىنداعى ىنتىماقتاستىق جونىندەگى مەموراندۋمنىڭ ارقاسىندا، ەكىنشى كۋرستان كەيىن، حەلسينكي قالاسىنداعى اسكەري ۇشقىشتار دايىندايتىن «پاتريا» مەكتەبىنە قابىلداندىم. ءسويتىپ، 2015-جىلى كوممەرتسيالىق ۇشقىشتىڭ ەۋروپالىق ستاندارتى - № FIN.FCL.83136 ليتسەنزياسىن الدىم. 2016-جىلى ناۋرىزدا اكادەميادا ماماندىعىم بويىنشا باكالاۆر دارەجەسىنە يە بولدىم. مەنىڭ ارمانىم اسكەري ۇشقىش بولۋ ەدى. ەندى سول ارمانىما قول جەتكىزگەلى جاتىرمىن. قازىر، تىكۇشاقتى جانە اسكەري ان-26 ۇشاعىن باسقارۋدى جان-جاقتى مەڭگەرىپ جاتىرمىن»، - دەدى ا. بوتاي ءوزى جايىندا.
ق ر ۇلتتىق ۇلانى «وڭتۇستىك» وڭىرلىك قولباسشىلىعى باسپا ءسوز قىزمەتىنىڭ حابارلاۋىنشا، ازىرگە اردانانىڭ 240 ساعاتتىق ۇشۋ تاجىريبەسى بار.