بۇگىن ەلوردادا مارقۇم ساليدات قايىربەكوۆامەن قوشتاسۋ ءراسىمى وتەدى
««University Medical Center» كورپوراتيۆتىك قورى اتالعان قوردىڭ باسقارما ءتورايىمى، بەلگىلى قوعام قايراتكەرى، مەديتسينا عىلىمدارىنىڭ دوكتورى قايىربەكوۆا ساليدات زەكەن قىزىنىڭ مەزگىلسىز قايتىس بولعانىن قايعىرىپ حابارلايدى.
مارقۇممەن قوشتاسۋ ءراسىمى 2016 -جىلعى 4 -شىلدەدە، ساعات 13:00 دە «ۇلتتىق عىلىمي كارديوحيرۋرگيا ورتالىعى» ا ق ءماجىلىس زالىندا وتەدى»، دەلىنگەن قور جولداعان حابارلامادا.
2016 -جىلعى 5 -شىلدەدە ساعات 11:00 دە قاراعاندى وبلىسى، نۇرا اۋدانى كيەۆكا كەنتىندە مارقۇمدى جەرلەۋ ءراسىمى بولادى.
قايىربەكوۆا ساليدات زەكەن قىزى 1961 -جىلعى 1 -تامىزدا قاراعاندى وبلىسىندا دۇنيەگە كەلگەن. مەملەكەت جانە قوعام قايراتكەرى، ق ر دەنساۋلىق ساقتاۋ ءمينيسترى بولعان.
قازاقستان رەسپۋبليكاسى پرەزيدەنتىنىڭ جارلىعىمەن 2010 -جىلعى 7 -قازاندا قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تاعايىندالدى.
2014 -جىلدىڭ تامىزىنان - 2015 -جىلعى 9 -قازانعا دەيىن - قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءبىرىنشى ۆيتسە-ءمينيسترى. 2015 -جىلعى 13 -قازاندا ساليدات قايىربەكوۆا «ۇلتتىق مەديتسينا حولدينگى» ا ق باسقارما ءتورايىمى قىزمەتىنە تاعايىندالدى. مەديتسينا عىلىمدارىنىڭ دوكتورى.