ەلىن ساقتاعان جانە حالقىنىڭ جاعدايىن جاقسارتقان باسشى عانا جاقسى - پرەزيدەنت

استانا. قازاقپارات - پرەمەراسى وتكەن «مەملەكەت باسشىسى» اتتى دەرەكتى فيلمدە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ەل باسقارعان ادامنىڭ ەڭ جاقسىسى - ەلدى ساقتاعان ادام دەگەن پىكىرىن ايتتى.

«كوپ جىلدار بويى كوپتەگەن ەلدەردىڭ پرەزيدەنتتەرىمەن، كورولدەرىمەن، پرەمەر-مينيسترلەرىمەن كەزدەسۋگە تۋرا كەلدى. ولاردىڭ اراسىندا ەل باسقارۋعا بەيبىت ۋاقىتتا بەيبىت جولمەن كەلگەندەر بار، ال كەيبىرەۋى ءتىپتى ازاماتتىق سوعىستى كوردى. ءارتۇرلى پسيحولوگيا، ءارتۇرلى ادام، ءارتۇرلى مىنەز، ءارتۇرلى تاجىريبە. ءبىراق، مەملەكەت باسشىلارى جەتىستىككە جەتكەن ادامداردىڭ ءومىرىن زەرتتەگەنى دۇرىس. كىمدى جەتىستىككە جەتكەن دەپ ايتۋعا بولادى؟ جەتىستىككە جەتكەن ادام دەگەنىمىز - ءبىر ءىستى الىپ، حالقىنا باعدارلامانى ۇسىنىپ، سول باعدارلانامى ورىنداپ، سول باعدارلاماسى ناتيجەسىن بەرگەن ادام. ەلىن ساقتاعان جانە حالقىنىڭ جاعدايىن جاقسارتقان باسشى عانا جاقسى»، - دەيدى پرەزيدەنت.

اۆتور: كەنجەكەي توقتامۇرات قىزى