قىرعىز ساراپشىسى: استانا - ورتالىق ازيانىڭ ءىنجۋ-مارجانى
مۇنداي پىكىردى استانا كۇنىن تويلاۋ قارساڭىندا «قازاقپارات» تىلشىسىنە بەرگەن سۇحباتىندا بەلگىلى قىرعىزستاندىق قوعام قايراتكەرى، قىرعىزستان رەسپۋبليكاسىنىڭ قارۋلى كۇشتەردىڭ باس شتابى باسشىسىنىڭ بۇرىنعى ورىنباسارى ماليك جۇماعۇلوۆ ءبىلدىردى.
قازاقستاندىق ەلوردانىڭ اۋىسۋى تاريحىنا كوز سالعان ساراپشى ەلباسى نۇرسۇلتان نازاربايەۆتىڭ ساياسي ەركى مەن ستراتەگيالىق ويلاۋى مەن دانالىعىن اتاپ ءوتتى.
«بۇگىندە استانا - قازاقستاننىڭ بەتكە ۇستارى، زامانعا ساي جانە قارقىندى دامىپ كەلە جاتقان مەگاپوليس برەندى ورتالىق ازيانىڭ ءىنجۋ مونشاعى ءىنجۋ- مارجانى اتانۋعا لايىق. ول بارشا الەمگە قازاقستاننىڭ XXI عاسىرداعى حالىقارالىق بەدەلىن، ساياسي قۋاتتىلىعى مەن ەكونوميكالىق الەۋەتىن كورسەتتى. قالا كۇنى ونىڭ نەگىزىن قالاۋشىنىڭ تۋعان كۇنىمەن سايكەس كەلدى. 1994 -جىلى 6 -شىلدەدە قازاقستاننىڭ جوعارعى كەڭەسى ەلوردانى الماتىدان اقمولاعا كوشىرۋ تۋرالى تاريحي شەشىم قابىلداندى. نازاربايەۆتىڭ استانانىڭ قۇرىلۋىنا قوسقان مول ۇلەسىن مويىنداۋ رەتىندە قازاقستاندىق قوعامنىڭ ون جىل بۇرىن ءبىراۋىزدان 6 -شىلدەنى قالا كۇنى رەتىندە جاريا ەتۋى زاڭدى.
2017 -جىلى قازاقستان جانە استانا تاريحىندا جاڭا پاراق اشادى. «ەكسپو» حالىقارالىق كورمەسى مەن بۇۇ قاۋىپسىزدىك كەڭەسىنە ەلدىڭ مۇشە بولۋى الەمدىك قوعامنىڭ نازارىن قازاقستانعا اۋدىرادى.
قىرعىزستاندىقتاردىڭ اتىنان باۋىرلاس قازاقستان حالقىن جانە ق ر پرەزيدەنتى ن. ءا. نازاربايەۆتى اتاۋلى مەرەكەلەرمەن قۇتتىقتاپ، باقىت پەن وركەندەۋ جانە تاتۋ دوستىق قارىم- قاتىناسىمىزدىڭ كەڭەيۋىن تىلەيمىن»، - دەدى ول.