ەلوردالىقتار اشىق اسپان استىنداعى بالەتتى تاماشالاۋ مۇمكىندىگىنە يە بولدى - فوتو
تاۋەلسىزدىك سارايىنىڭ الدىندا «استانا وپەرا» تەاترىنىڭ جۇلدىزدارى كەرەمەت قويىلىمدى ونەرسۇيەر قاۋىمنىڭ نازارىنا ۇسىندى. ەلوردامىزدىڭ ورتالىق الاڭىندا ليۋدۆيگ مينكۋستىڭ «بايادەركا» اتتى قويىلىمى كورسەتىلدى. كۇن رايىنىڭ قۇبىلمالىلىعىنا قاراماستان، ونەرسۇيەر قاۋىم جينالىپ، وتىراتىن بوس ورىن قالمادى دەسەك بولادى.
ارينە، مۇنداي سپەكتاكل - حالىق ءۇشىن ۇلكەن توسىن سىي. وسىنداي كورىنىس استانادا تەك ءبىر-اق رەت، ياعني بىلتىر قالا كۇنىنە وراي بولعان. وتكەن جىلى مۇندا «ايدا» بالەتى قويىلدى. بيىل دا ۇيىمداستىرۋشىلار اسەرلى دە جارقىن، اۋقىمدى بەينەينستاللياتسيالاردى قولدانىپ، حالىقتىڭ كوڭىلىنەن شىعاتىن بالەتتى كورسەتىپ وتىر.
ايتا كەتەيىك، بۇگىن ءبىز ساحنا تورىندە قازاقستاندىق ايگىلى بالەت مايتالماندارى ءمادينا باسپايەۆا، تايىر گاتاۋوۆ پەن گاۋھار ۋسينا ونەر كورسەتتى. سونداي-اق سپەكتاكلگە تاعى 120 عا جۋىق بالەت ءارتىسى قاتىستى. مۇندا قويىلعان دەكوراتسيالاردى ستسەنوگراف ەتسيو فريدجەريو ازىرلەگەن. ال ساحنالىق كيىمدەر «وسكار» سىيلىعىنىڭ يەگەرى فرانكو سكۋارچاپينونىڭ جۇمىستارى بولىپ تابىلادى. ارتىستەردىڭ ءبيىن اسەرلى ەتىپ كورسەتۋ ءۇشىن 20 شاقتى پروەكتور قولدانىلدى.