ق ر ۇلتتىق بانكىنىڭ فەيسبۋك جانە تۋيتەر جەلىلەرىندە پاراقشاسى اشىلادى
بۇل ءىس- شارا بارىسىندا ق ر ۇ ب بۇقارالىق اقپارات قۇرالدارىمەن، حالىقپەن، بيزنەس- قوعامداستىقپەن، قارجى نارىعىنىڭ ساراپشىلارىمەن بەلسەندى قارىم- قاتىناستى نىعايتۋعا باعىتتالعان جاڭا اقپاراتتىق ساياساتتى جۇزەگە اسىرۋ اياسىندا ءبىرقاتار باستامالاردىڭ قولعا الىنعاندىعى جاريالاندى.
ق ر ۇ ب قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسىنىڭ باستىعى الەكساندر تەرەنتيەۆ ءوز سوزىندە ۇلتتىق بانكتىڭ اشىق قارىم- قاتىناس جاساۋعا دايىن ەكەندىگىن جانە بارىنشا اقپاراتتىق ايقىندىلىققا ۇمتىلاتىندىعىن باسا اتاپ كورسەتتى. ول وڭىرلىك ب ا ق- پەن جۇمىستى، حالىقتىڭ، اتاپ ايتقاندا وسكەلەڭ ۇرپاقتىڭ قارجىلىق ساۋاتتىلىعىن ارتتىرۋعا بايلانىستى ءىس- شارالار مەن جوبالاردى قوسا العاندا، بۇل باعىتتا قازىر تاعى قانداي جۇمىستار جۇرگىزىلىپ جاتقاندىعىن ايتىپ بەردى.
«جۋرناليستەرمەن كەزدەسۋدەگى باستى ماقساتتاردىڭ ءبىرى - جۇمىس سيپاتىنداعى وزەكتى ماسەلەلەردى شەشۋ، ق ر ۇلتتىق بانكى جانە تۇتاستاي العاندا ەلدىڭ قارجى نارىعى اينالاسىندا قالىپتاسقان اقپاراتتىق ايانى تالقىلاۋ جانە بۇقارالىق اقپارات قۇرالدارىمەن اراداعى ىنتىماقتاستىقتىڭ بولاشاعىن ايقىنداۋ بولدى»، - دەدى ا. تەرەنتيەۆ.
كەزدەسۋ بارىسىندا قارجى رەتتەۋشىسىنىڭ وكىلدەرى 2016 -جىلدىڭ ءبىرىنشى جارتىجىلدىعىندا سىرتقى كوممۋنيكاتسيالار سالاسىندا جۇرگىزىلگەن اقپاراتتىق- تۇسىندىرمە جۇمىسىنىڭ ناتيجەلەرىمەن تانىستىردى. سونىمەن قاتار، جۇرتشىلىقپەن تۇراقتى نەگىزدە بەلسەندى ءارى ەكى جاقتى بايلانىستار ارقىلى قازاقستاندىقتاردىڭ قارجى رەتتەۋشىسىنە دەگەن سەنىمىن نىعايتۋعا، ۇلتتىق بانكتىڭ داعدارىسقا قارسى شارالارى تۋرالى جان- جاقتى حاباردار بولۋىن جانە ءتۇسىنۋىن قامتاماسىز ەتۋگە باعىتتالعان جوسپارلارمەن ءبولىستى.
ا. تەرەنتەۆتىڭ ايتۋىنشا، تاياۋ ارادا ۇلتتىق بانكتىڭ Facebook جانە Twitter سەكىلدى الەۋمەتتىك جەلىلەردى ءوزىنىڭ جەكە پاراقشاسى اشىلادى.
«ق ر ۇ ب- نىڭ رەسمي ينتەرنەت- رەسۋرسىن تولىقتىرۋ جۇمىسى جاندانۋدا، قارجىلىق ساۋاتتىلىق بويىنشا ارنايى ۆەب- رەسۋرستى fingramota.kz قۇرۋ، مەديا سالاسىنىڭ قىزمەتكەرلەرى ءۇشىن تاقىرىپتىق سەمينارلار وتكىزۋ، قارجى نارىعى ساراپشىلارىنىڭ پۋلىن قۇرۋ جانە باسقا دا شارالاردى جۇزەگە اسىرۋدى جوسپارلاپ وتىرمىز»، - دەدى ا. تەرەنتەۆ.