ەكى دۇركىن الەم چەمپيونى نازىم قىزايباي كاسىپقوي بوكسقا ءوتۋى مۇمكىن
ونىڭ ايتۋىنشا، ول نازىممەن بۇعان دەيىن كەلىسسوزدەر جۇرگىزگەن. «جاقىن ارادا مەن قازاقستانعا بارامىن. «قازاقستان بارىسى-2016» تۋرنيرىنە قاتىسۋمەن قاتار، مەن قازاقستاندىق بوكسشى قىزداردى ءبىزدىڭ پروموۋتەرلىك كومپانياعا تارتۋ ءۇشىن بىرنەشە كەزدەسۋ وتكىزەيىن دەپ وتىرمىن. قازىرگى ۋاقىتتا مەنى نازىم قىزايباي قىزىقتىرىپ وتىر، مەن ونىمەن الدىن الا كەلىسسوزدەر جۇرگىزدىم، ول قارسى بولمادى. ەندى جاقىن ارادا ءبىز كەلىسىمشارت جاساسامىز»، - دەدى زاۆيلەيسكي.
ەسكە سالايىق، وسى جىلدىڭ مامىر ايىندا نازىم قىزايباي بوكستان ەكى دۇركىن الەم چەمپيونى اتانعان بولاتىن. الەم چەمپيوناتىندا قىزايباي قىتايلىق سپورتشى ۆان يۋيانمەن كەزدەستى. ءبىرىنشى راۋندتا نازىم قارسىلاسىنان 10:9 ەسەبىمەن باسىم تۇسسە، قالعان راۋندتاردا دا بوكسشى جەڭىسكە جەتىپ، سايىس 3:0 ەسەبىمەن قازاقستاندىقتىڭ پايداسىنا شەشىلدى. استاناداعى بۇل جەڭىس نازىم قىزايباي ءۇشىن ءۇشىنشى بولىپ وتىر. ونىڭ قورجىنىندا بۇعان دەيىن ءبىر قولا (2012) جانە ءبىر التىن (2014) مەدال بار بولاتىن.
ايتا كەتەيىك، تۋرنيردىڭ فينالىنا ۆالەنتينا حالزوۆا (69 كەلى سالماققا دەيىن) جانە ءلاززات كۇنگەيبايەۆا (81 كەلى سالماقتان ارتىق) دا وتكەن بولاتىن. جاينا شەكەربەكوۆا (51 كەلى سالماققا دەيىن) مەن ايجان قوجابەكوۆاعا (57 كەلى سالماققا دەيىن) قولا مەدال بۇيىردى.
ەسكە سالايىق، استانادا وتكەن ايەلدەر اراسىنداعى بوكستان الەم بىرىنشىلىگىندە جەڭىسكە جەتكەندەر 6-21- تامىز ارالىعىندا ريو-دە-جانەيرودا وتەتىن وليمپيادا ويىندارىنا قاتىسا الادى.