اۆستراليا: «جانكەشتى-كەنگۋرۋ» پوليتسەيلەردىڭ جانىنا بارىپ جارىلۋى ءتيىس بولعان

استانا. قازاقپارات - مەلبۋرن تۇرعىنى كەنگۋرۋدىڭ كومەگىمەن تەراكتى دايىنداعانىن مويىندادى.

بۇل تۋرالى 9news.com.au-عا سىلتەمەمەن 24.kz حابارلايدى.

جاس جىگىت جىلدىڭ باسىندا ۇستالعان بولاتىن، الايدا پوليتسيامەن جۇمىس جاساۋعا قازىر عانا كەلىستى. 19 جاستاعى سيەۆدەت رامادان بەسيمنىڭ جوسپارى بويىنشا جارىلىس اۆستراليادا بارلىعى ءبىرىنشى دۇنيەجۇزىلىك سوعىس ارداگەرلەرىن ەسكە الاتىن كۇنى بولۋ كەرەك بولاتىن. قۇقىق قورعاۋ ورگاندارى جىگىتتىڭ جارىلعىش زاتتى جانۋاردىڭ قالتاسىنا سالىپ، پوليتسەيلەر جاققا جىبەرە سالماق بولعانىن مالىمدەدى.

ارنايى قىزمەت وكىلدەرى قاسكويدىڭ  ۇلى بريتانياداعى 15 جاستاعى جاسوسپىرىممەن سويلەسكەن جازباسىن قاعىپ الىپ، ونىڭ بۇل ارەكەتىن اشكەرەلەدى. سونداي-اق بەسيم ءتارتىپ كۇزەتشىلەرىنىڭ باستارىن شاۋىپ الماق بولعان.