ەلىمىزدىڭ باس پروكۋرورى اتى-شۋلى م. ۇسەنوۆتىڭ فەنومەنى نە ەكەندىگىن ايتتى

استانا. قازاقپارات - ماقسات ۇسەنوۆتىڭ ىسىندە ەشقانداي دا جەمقورلىق جايت ورىن العان جوق. بۇل تۋرالى بۇگىن «پروكۋراتۋراعا ۇزدىك كادرلار!» دەپ اتالاتىن دوڭگەلەك ۇستەل بارىسىندا ق ر باس پروكۋرورى جاقىپ اسانوۆ ءمالىم ەتتى.

«بىلەسىزدەر مە، ۇسەنوۆتىڭ تەرىس جانە وڭ جاقتارى دا بار. تەرىس جاعى ونىڭ ىستەگەن ءىسى. سول ۋاقىتتا ءبىز، قۇقىق قورعاۋ ورگاندارى حالىققا دۇرىس تۇسىندىرە المادىق. سوندىقتان الەۋمەتتىك جەلىدە ادامدار تالقىلاي باستادى. قاراپايىم تۇردە عانا ءتۇسىندىرۋ كەرەك ەدى. ۇسەنوۆ ءتورت ءتۇرلى قۇقىق بۇزدى. ءبىرىنشىسى قىلمىستىق، ۇشەۋى اكىمشىلىك. ق ر- نىڭ قولدانىستاعى قىلمىستىق كودەكسىنە سايكەس، ەگەر كىنالى جانە زارداپ شەگۋشى تاراپ تاتۋلاسسا، وندا پروكۋرور دا، سوتتا، ەشكىمدە ونى جويا المايتىندىعىن ايتۋ قاجەت ەدى. بۇل ەكى تاراپتىڭ بۇعان دەيىنگى قۇقىعى ەدى. ونى ولار پايدالاندى. مۇندا ەشقانداي جەمقورلىق ارەكەت جوق»، دەدى باس پروكۋرور.

وسى رەتتە ج. اسانوۆ م. ۇسەنوۆ قالعان ءۇش اكىمشىلىك قۇقىق بۇزۋشىلىق بويىنشا بارىنشا ەڭ جوعارعى جازاعا تارتىلعاندىعىن باسا اتاپ ءوتتى.

«ەكىنشى جايت، ۇسەنوۆتىڭ فەنومەنى نەدە؟ ۇسەنوۆتەن كەيىن بارلىعى، ونىڭ ىشىندە پارلامەنت تە ويلانىپ زاڭ قابىلدادى. ەگەر قىلمىس جول كولىك اپاتى بارىسىنداعى ءولىم-جىتىممەن بايلانىستى بولسا، وندا ەشقانداي دا تاتۋلاسۋ بولمايدى. سول ۋاقىتتان بەرى مۇنداي قىلمىستىق قۇقىق بۇزۋشىلىق، قىلمىستا تاتۋلاسۋ قولدانىلمايدى»، دەدى ول.

ەستەرىڭىزگە سالا كەتەيىك، الماتى تۇرعىنى ماقسات ۇسەنوۆ 2013 -جىلى ماس كۇيىندە كولىك ايداپ، 6 ادامدى قاعىپ كەتكەن بولاتىن. ودان ءبىر جىگىت قازا تاپتى. ەكىنشى رەت ماقسات ۇسەنوۆ تىزگىندەگەن كولىك تويوتا كولىگىمەن سوقتىعىسىپ، 38 جاستاعى كەلىنشەكتىڭ دەنساۋلىعىنا زاقىم كەلتىرگەن بولاتىن. ەكى جاعدايدا دا ۇسەنوۆ تاراپتاردىڭ كەشىرىمىن الىپ، اكىمشىلىك جازامەن شەكتەلدى.

اۆتور: مارلان جيەمباي