پان گي مۋن ن. نازاربايەۆتى ب ۇ ۇ ق ك تۇراقتى ەمەس مۇشەلىگى سايلاۋىنداعى قازاقستاننىڭ جەڭىسىمەن قۇتتىقتادى
20:26, 30 - ماۋسىم 2016
استانا. قازاقپارات - قازاقستان پرەزيدەنتى نۇرسۇلتان نازاربايەۆ بىرىككەن ۇلتتار ۇيىمىنىڭ باس حاتشىسى پان گي مۋنمەن تەلەفون ارقىلى سويلەستى، دەپ حابارلادى اقوردانىڭ باسپا ءسوز قىزمەتى.
اڭگىمە بارىسىندا ب ۇ ۇ باس حاتشىسى ەلباسىن 28 -ماۋسىمدا نيۋ-يوركتە وتكەن ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگى سايلاۋىنداعى قازاقستاننىڭ ايقىن جەڭىسىمەن قۇتتىقتادى.
پان گي مۋن داۋىس بەرۋدىڭ ناتيجەسى قازاقستان پرەزيدەنتى جۇرگىزىپ كەلە جاتقان ەلىمىزدىڭ بەلسەندى ءارى سىنداردى سىرتقى ساياساتىنا بەرىلگەن جوعارى باعا ەكەنىن ەرەكشە اتاپ ءوتتى.
مەملەكەت باسشىسى بۇل وقيعا قازاقستاننىڭ عانا ەمەس، بۇعان دەيىن ب ۇ ۇ- نىڭ وسىنداي نەگىزگى ورگانىنا وكىلدىك ەتىپ كورمەگەن بۇكىل ورتالىق ازيا ءوڭىرىنىڭ تابىسى ەكەنىن ايتتى.
نۇرسۇلتان نازاربايەۆ ب ۇ ۇ قاۋىپسىزدىك كەڭەسىنە ەلىمىزدىڭ مۇشەلىگىن بۇكىل الەمدىك قوعامداستىق مۇشەلەرى الدىنداعى زور جاۋاپكەرشىلىك رەتىندە قابىلدايتىنىن مالىمدەدى.