قىزدارعا ۇنامايتىن سوزدەر

استانا. قازاقپارات - بۇل ومىردە سۇلۋلاردىڭ كوڭىلىن، نە قالايتىنىن تابۋ جىگىتتەر قاۋىمى ءۇشىن ءتۇيىندى ماسەلە دەسەك قاتەلەسپەيمىز.

كينو، كليپتەن كورىپ كەيبىر ارۋلار جىگىتىنىڭ رومانتيك بولعانىن قالاپ تۇرسا، ەندى بىردە ونداي سەرىدەن جالىعىپ، تەنتەك جىگىتتەرگە كوڭىل بولە باستايدى. بۇزىق جىگىتتەر توبىنا قانداي ورتا بولسا دا ءبىر مىنەزىنەن اينىماي، مادەنيەتتەن دە، زەرەكتىكتەن دە اۋىلى الىس جاتقان جاندار كىرەدى.

ءبىر سوزبەن ايتقاندا، ولار - ىستەگەنىنە ەشقاشان وكىنبەيتىندەر. الايدا، بارلىق جىگىت سۇيگەنى ءۇشىن نەگە بولسا دا باراتىنىن سۇلۋلار جاعى جاقسى بىلەدى. عاشىعىن ەركەلەتىپ سويلەيمىن دەپ كەي ازاماتتار ارا- قاشىقتىقتى الشاقتاتىپ الادى. بۇگىن سىزدەرگە قىزدارىڭىزعا مىنانداي سوزدەردى ايتپاۋعا كەڭەس بەرەمىز.

1. ءسىز وتە جاس كورىنەسىز.

جىگىت پەن قىزدىڭ ويلاۋ قابىلەتى ەكى ءتۇرلى ەكەنىن وسىعان دەيىن عالىمدار دا تالاي رەت ايتقان. سۇيگەنىڭىزگە «ءسىز وتە جاس كورىنەسىز» دەپ، ۇرىستىڭ شەتىن شىعارىپ الماڭىز. سۇيگەنىڭىزدىڭ سۇلۋلىعىنا تامسانۋىڭىز ونىڭ اشۋ- ىزاسىنا ءتيۋى ىقتيمال. سەبەبى بويجەتكەن سۇلۋلار ءوزىن ەرەسەك ادامدارشا ۇستاۋ ءۇشىن ءتۇرلى بوياۋلار جاعىپ، شىن جاسىن اينالاسىنا بىلدىرمەۋگە تىرىسادى. ال، مۇنداي سوزدەردى ۇلكەن تانىس قىزدارىڭىزعا ايتساڭىز ءوز ورىنىن تاباتىنى راس. سوندىقتان قانداي ادامعا قانداي ءسوز ايتۋ كەرەكتىگىن وي ەلەگىنەن وتكىزگەنىڭىز ءجون.

2. ءسىز ارىقتاپ قالىپسىز.

ەگەر ءسىز سۇيىكتىڭىزگە ءدال وسى ءسوزدى ايتاتىن بولساڭىز، وندا ءسىزدىڭ عاشىعىڭىز بۇرىن تومپاق ەكەنى جاسىرىن ەمەس. ءسىزدىڭ ەركەلەتىپ ايتقان ءسوزىڭىز قىزىڭىزعا وعاش كورىنۋى مۇمكىن. ول ءوزىنىڭ كەمشىلىگىن بىلسە دە، سىرت كوزگە بىلدىرمەۋگە تىرىسادى. سوندىقتان ونىڭ ورىنىنا "بۇرىنعى جانە قازىرگى ءتۇرىڭىز دە ماعان اسا ۇنايدى" دەگەن ابزال.

3. ءسىز وزگە قىزداردان ەرەكشەسىز.

مۇنداي ءسوزدى ەستىگەن ارۋ بىردەن ءسىزدىڭ قىزقۇمار بولعانىڭىزدى ويلايدى. كەيبىر سۇلۋ ءتىپتى مەن سوڭعىسى بولىپ قالماۋىم دا مۇمكىن دەگەن تۇجىرىمعا كەلۋى مۇمكىن. سول سەبەپتى سۇلۋلارعا ەرەكشەلىگىن ءبىلدىرۋ ءۇشىن باسقا كوركەم ءسوز قولدانعانىڭىز ءجون.

4. ءسىزدىڭ جاساعان تاعامىڭىز انامدىكىمەن بىردەي ەكەن.

ومىردە انادان ارتىق اسىل جان جوق. ونىڭ ءاربىر جاساعان جاقسىلىعى مەيىرىمگە تولى ەكەنىن ەستەن شىعارماۋىڭىز كەرەك. الايدا، قىزدار ءوزىنىڭ سۇيىكتىلەرىنە اس ازىرلەۋگە دە بارىن سالاتىنى ۇمىتپاڭىز. سىزگە جاعۋ ءۇشىن قۇربىلارىمەن كەڭەسىپ، عالامتوردى اقتارىپ ەڭ ءدامدى تاعامداردى دايىنداۋعا تىرىسادى. سونىمەن قوسا ءسىزدىڭ قانداي استى جاقسى كورەتىنىڭىزدى دە ەستەن شىعارمايدى. ومىردە اناڭىز بەن سۇيىكتىڭىزدىڭ ماحابباتىن سالىستىرماعانىڭىز ءجون. جاي عانا "مۇنداي تاعامدى بۇرىن سوڭدى جەپ كورمەپپىن" دەسەڭىز جەتكىلكتى.

5. بۇل بۇگىنگى ايتقان سوزدەرىڭىزدىڭ الدى بولدى.

قوعامدىق جەرلەردەن ءدال وسىنداي ءسوزدى جىگىتتەردىڭ سۇيىكتىلەرىنە ايتىپ جاتاتىنىن ەستىگەن شىعارسىز. مۇنداي جاعدايلار كوبىنە ازاماتتىڭ ويىنا تۇسپەي تۇرعان شەشىمدى عاشىعىنىڭ ءبىرىنشى ايتىپ قويعان كەزدە كوپ قولدانىلادى. ءسىزدىڭ تاۋىپ ايتقان ءسوزىڭىز ارۋىڭىزعا باسقاشا اسەر ەتۋى مۇمكىن. ءوزىن اقىلدى ادامداردىڭ قاتارىنا قوسىپ جۇرگەن سۇلۋ قىزعا وعاش ەستىلۋى مۇمكىن. سوندىقتان سۇلۋلارعا الدىمەن بىردەڭە ايتپاس بۇرىن جاقسىلاپ ويلانىپ العان دۇرىس.

«ماسساگەت»