ون جىل بويى ىزدەۋدە جۇرگەن قىرعىزستان ازاماتى قازاقستاندا ۇستالدى

استانا. قازاقپارات - 18 -ماۋسىمدا وڭتۇستىك قازاقستان وبلىسىنىڭ ارىس ستانساسىنداعى جەلىلىك پوليتسيا قىزمەتكەرلەرى جەكە باسىن انىقتاۋدا ىزدەۋدە بولعان قىرعىز ازاماتىن ۇستادى.

قابىلداپ تاراتۋ- ورنىنا وتىرعىزىلعان ەر ادامنىڭ 2006 -جىلدان بەرى مەملەكەتارالىق ىزدەۋدە جۇرگەن قىرعىز رەسپۋبليكاسى وش وبلىسىنىڭ تۋماسى ەكەنىن انىقتادى.

كولىكتەگى ءى ءى د باسپا ءسوز قىزمەتىنىڭ حابارلاۋىنشا، اتالعان ازامات 2006 -جىلدىڭ 29 -ساۋىرىندە قىرعىز رەسپۋبليكاسى ۇكىمەتىنىڭ جانىنداعى جازانى ورىنداۋدىڭ مەملەكەتتىك قىزمەتى مەكەمەسىنەن قاشىپ، تەرگەۋدەن جاسىرىنىپ كەلگەن. ونىڭ ۇستىنەن وسىعان دەيىن قىرعىز رەسپۋبليكاسىنىڭ قىلمىستىق كودەكسىنىڭ 336-بابىنىڭ 1-تارماعى بويىنشا قىلمىستىق ءىس قوزعالعان.

ۇستالعان ازاماتقا قاتىستى «قاماققا الۋ» جولىن كەسۋ شاراسى قولدانىلدى.

 قازىرگى ۋاقىتتا ەكستراديتسيالاۋ ماسەلەسى قارالىپ جاتىر.