قىتايدا قازاق قىزى اقجارقىننىڭ ءىسى بويىنشا جاڭا سوت وتىرىسىن وتكىزۋدىڭ الدىن الا ۋاقىتى بەلگىلەندى

الماتى. قازاقپارات - قىتايدا قازاقستان ازاماتشاسى اقجارقىن تۇرلىبايدىڭ ءىسى بويىنشا جاڭا سوت وتىرىسىن وتكىزۋدىڭ الدىن الا ۋاقىتى بەلگىلەندى.

بۇل تۋرالى بۇگىن اقجارقىن تۇرلىبايدىڭ ادۆوكاتى سۇڭقار نۇرماعامبەتوۆ مالىمدەدى.

بۇعان دەيىن ءمالىم بولعانىنداي، 2016-جىلعى 6- مامىردا گۋاندۋن پروۆينتسياسىنىڭ اپەللياتسيالىق سوتى قازاقستان ازاماتشاسى 22 جاستاعى اقجارقىن تۇرلىبايدى ءومىر بويى باس بوستاندىعىنان ايىرۋ تۋرالى جازانىڭ كۇشىن جويعان بولاتىن.

«قىلمىستىق ءىس ءبىرىنشى ينستانتسيا سوتىنا جاڭادان قارالۋعا جىبەرىلدى. قازىر ءىس تومەنگى ينستانتسياعا كەلىپ ءتۇستى. العاشقى وتىرىس 2016-جىلدىڭ تامىز ايىنىڭ ەكىنشى جارتىسىندا وتكىزىلەتىن بولىپ بەلگىلەندى. ەگەر تاعى قانداي دا ءبىر وزگەرىس بولاتىن بولسا، مۇددەلى تۇلعالار قوسىمشا قۇلاعدار ەتىلەدى»، - دەدى س. نۇرماعامبەتوۆ.

ەستەرىڭىزگە سالا كەتەلىك، 20 جاستاعى قازاقستاندىق ستۋدەنت اقجارقىن تۇرلىباي 2014-جىلى ناۋرىز ايىندا گۋاندۋن پروۆينتسياسىنىڭ ورتالىعى - گۋانجوۋ اۋەجايىندا ۇستالعان بولاتىن. وعان ەسىرتكى زاتتارىن جاسىرىن تاسىمالداعان دەگەن ايىپ تاعىلدى.

اقجارقىننىڭ ايتۋىنشا، ول قىتايعا برەندتىك كيىمدەر ساتىپ الىپ كەلۋگە بارعان. ال ەسىرتكىنى وعان كلۋبتا كەزدەيسوق تانىسقان تانىستارى جاسىرىن سالىپ جىبەرگەن.

سوت ۇكىمى بويىنشا اقجارقىن ءومىر باقي باس بوستاندىعىنان ايىرىلدى. ءبىراق، ونىڭ قورعاۋشى تاراپى قارسى شاعىم ءتۇسىردى.

اۆتور: ايبوتا جاپپاربەرگەن