ا ق ش ولكەلىك فەدەرالدىق سوتى حراپۋنوۆ پەن ءابليازوۆتىڭ وتباسىلارىنىڭ ءىسى بويىنشا ارالىق شەشىم شىعاردى
سوت ءىستى توقتاتۋ بويىنشا جاۋاپ بەرۋشىلەردىڭ بارلىق دالەلدەرىن جويدى. وسىلايشا، ا ق ش- تان قاراجاتتى زاڭسىز اكەتۋ ارەكەتىنىڭ جولى كەسىلدى، دەپ حابارلادى ق ر ادىلەت مينيسترلىگىنىڭ باسپا ءسوز قىزمەتى.
بۇدان بۇرىن حابارلانعانداي، ب ت ا بانكى، الماتى قالاسىنىڭ اكىمدىگى مەن ق ر ادىلەت مينيسترلىگىنىڭ بىرلەسكەن جۇمىسىنىڭ ناتيجەسىندە ا ق ش- تا م. ءابليازوۆ پەن ۆ. حراپۋنوۆتىڭ قىلمىستىق توبى ۇرلاعان ون ميلليونداعان دوللار بۇعاتتالدى.
ءىستى قاراۋ كەزىندە سوت قازاقستاندىق تاراپ حراپۋنوۆ وتباسىنىڭ باقىلاۋىنداعى كومپانيا نيۋ-يوركتە جىلجىمايتىن مۇلىك نارىعىندا ينۆەستيتسيالىق قىزمەتپەن اينالىسقانىنا نەگىزدى دالەل كەلتىردى دەگەن تۇجىرىمعا كەلدى. سوت قازاقستاندىق تاراپتىڭ دالەلدەرىن قابىلدادى، ول ۇيىمداسقان قىلمىسپەن كۇرەس تۋرالى فەدەرالدىق زاڭنىڭ نەگىزىندە ءىستى جالعاستىرۋعا مۇمكىندىك بەرەدى.
ءابليازوۆ پەن حراپۋنوۆ زاڭسىز بايۋ جانە بوتەن مۇلىكتى پايدالانعانى ءۇشىن ايىپتالۋدا. سوت الماتى اكىمدىگى مەن ب ت ا بانكتىڭ ۇستانىمى مىقتى ەكەنىن، ۇدەرىستە جەڭىسكە جەتۋى مۇمكىن ەكەنىن ايتتى. وسىعان بايلانىستى سوت قامتاماسىز ەتىلەتىن شارالار تۋرالى قازاقستاندىق تاراپتىڭ قولداۋحاتىن ماقۇلداپ، اقشالاي قاراجاتتى بۇعاتتاۋ تۋرالى ءوز شەشىمىن ۇزارتتى.
ا ق ش پروتسەسسۋالدىق زاڭناماسىنا سايكەس ودان ءارى اقپاراتتى اشۋ ءراسىمى جۇرگىزىلەدى. بۇل ءابليازوۆ پەن حراپۋنوۆتىڭ قىلمىستىق توبى جىمقىرعان اكتيۆتەردى قايتارۋ ىسىندە وڭ قادام بولىپ تابىلادى.