وسىناۋ تولاعاي تابىس قازاقستانعا جاڭا مىندەتتەر جۇكتەۋمەن قاتار، بەيبىتسۇيگىش ەل رەتىندە الەمگە ابىرويىن اسقاقتاتا تۇسەدى - دۇنيەجۇزى قازاقتارى قاۋىمداستىعى
2017-2018 -جىلدارى قازاقستان بىرىككەن ۇلتتار ۇيىمى قاۋىپسىزدىك كەڭەسىنە تۇراقتى ەمەس مۇشە بولىپ سايلانۋى، قازاقستاندىقتارمەن قاتار سىرتتاعى قانداس باۋىرلارىمىزدى دا شاتتىققا كەنەدى.
بۇل تۋرالى دۇنيەجۇزى قازاقتارى قاۋىمداستىعىنىڭ قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىنا وراي قۇتتىقتاۋىندا ايتىلعان.
ەلىمىزدەگى بەيبىتشىلىك، قاۋىپسىزدىك، ادام قۇقىعى، زاڭ ۇلىقتىلىعى جانە تۇراقتى دامۋدى جاۋاپكەرشىلىكپەن قولداپ، ۇلەس قوسىپ جاتقانى داۋىس بەرۋشى ەلدەردىڭ قاناعاتتانارلىق سەنىمىن نىعايتتى.
«ەگەمەندىك العاننان كەيىنگى ەلباسى ن. ءا. نازاربايەۆتىڭ كولەمى جاعىنان الەمدەگى ەكىنشى يادرولىق پوليگوننان جانە الەمدەگى ءتورتىنشى يادرولىق ارسەنالدان ءوز ەركىمەن باس تارتۋى - جاھان وركەنيەتىنىڭ جادىنان ەشقاشان وشپەك ەمەس. تاۋەلسىز ەلدىڭ تۇڭعىش پرەزيدەنتى رەتىندە العاشقى قابىلداعان قاۋلى - تاريحي شەشىمگە اينالدى. ءسويتىپ، بۇل قادام - ادامزاتتىڭ دامۋى ماقساتىندا يادرولىق قارۋدان باس تارتۋ ۇلگىسى بولدى»، - دەلىنگەن قۇتتىقتاۋدا.
سونداي- اق، ايماقتىڭ باسقا ەلدەرىمەن قاتار، 2009 -جىلى ناۋرىزدا كۇشىنە ەنگەن، ورتالىق ازيادا يادرولىق قارۋدان ەركىن ايماق قۇرۋدا قازاقستان كوشباسشى بولىپ كەلەدى.
وسىنداي قاۋىپسىزدىك ماقساتىندا ايتۋلى قادامدارعا بارعان ۇلى دالا ەلى - بىرىككەن ۇلتتار ۇيىمى قاۋىپسىزدىك كەڭەسىنە تۇراقتى ەمەس مۇشە ەلدەرىنىڭ قاتارىنا ەندى.
وسىناۋ تولاعاي تابىس قازاقستانعا جاڭا مىندەتتەر جۇكتەۋمەن قاتار، بەيبىتسۇيگىش ەل رەتىندە الەمگە ابىرويىن اسقاقتاتا تۇسەدى.
وسىنىڭ ءبارى ءتاۋ ەتەر تاۋەلسىزدىكتىڭ ارقاسىندا، اۋىزبىرشىلىكتىڭ ناتيجەسىندە جەتكەن جەڭىس.
ەندەشە، تاۋەلسىزدىگىمىز باياندى بولعاي!
قازاقستان - ماڭگىلىك ەل جاساسىن!