اقتوبەدەگى لاڭكەستىك كەزىندە جارالانعانداردىڭ بارلىعى اۋرۋحانادان شىقتى - ت. دۇيسەنوۆا
18:37, 29 - ماۋسىم 2016
استانا. قازاقپارات - اقتوبەدەگى لاڭكەستىك كەزىندە جارالانعانداردىڭ بارلىعى اۋرۋحانادان شىقتى.
بۇل تۋرالى بۇگىن حالىقپەن ەسەپتىك كەزدەسۋ بارىسىندا ساۋالعا جاۋاپ بەرگەن قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا كەزدە ايتتى.
رەسپۋبليكالىق سانيتارلىق اۆياتسيا ۇلتتىق عىلىمي ورتالىقپەن بىرگە ا. بايگەنجيننىڭ باسشىلىعىمەن بىرلەسكەن جۇمىستار جۇرگىزدى. بۇل جۇمىستاردىڭ ناتيجەسىن ءبىز اقتوبەدەگى ارىپتەستەرىمىزگە كومەك كورسەتۋ بارىسىندا كوردىك. ياعني، ءوڭىر تارابىنان شاقىرۋدى كۇتپەستەن-اق ەكراننان كورۋ نەمەسە پاتسيەنتتىڭ جاعدايى تۋرالى اقپاراتتى الۋ ارقىلى ءبىز ول جاققا قاجەتتى ماماندىعى بار دارىگەردى جىبەرە الدىق. وسى جۇمىستاردىڭ ارقاسىندا اقتوبەدە اۋرۋحاناعا تۇسكەن پاتسيەنتتەردىڭ بارلىعى دا اۋرۋحانادان شىقتى جانە ولاردىڭ جاعدايلارى بۇگىندە تۇراقتى»، - دەدى ت. دۇيسەنوۆا.
اۆتور: مارلان جيەمباي