ق ر پرەزيدەنتى ش ق و قان ورتالىعى قىزمەتكەرلەرىمەن كەزدەستى
16:23, 29 - ماۋسىم 2016
وسكەمەن. قازاقپارات - شىعىس قازاقستانعا بارعان مەملەكەت باسشىسى نۇرسۇلتان نازاربايەۆ وبلىستىق قان ورتالىعىندا بولىپ، مەكەمە قىزمەتىمەن جانە جاڭا مەديتسينالىق جابدىقتارمەن تانىستى.
ول قان دوناتسياسى مەن كومپونەنتتەرىنىڭ ساپاسىن اۆتوماتتاندىرىلعان زەرتحانالىق باقىلاۋدى ەنگىزۋگە مۇمكىندىك بەرەدى.
قازاقستان پرەزيدەنتى ورتالىق قىزمەتكەرلەرىمەن دە اڭگىمەلەستى جانە قالانىڭ مەديتسينالىق مەكەمەسى قاجەتتى ەمحانالىق جانە دياگنوستيكالىق جابدىقتارمەن قامتاماسىز ەتىلەتىنىن اتاپ ءوتتى، دەپ حابارلادى اقوردانىڭ باسپا ءسوز قىزمەتى.
نۇرسۇلتان نازاربايەۆ ۇجىمعا بۇدان ءارى تابىستار جانە قىزمەت ناتيجەسىن ارتتىرۋعا تىلەكتەستىك ءبىلدىردى.
ءوز كەزەگىندە، مەكەمە قىزمەتكەرلەرى مەديتسينا سالاسىنا دايەكتى قولداۋ كورسەتىلىپ وتىرعانى ءۇشىن العىس ايتتى.
وبلىستىق قان ورتالىعى قان دونورلىعى مەن ونىڭ كومپونەنتتەرىن ۇيىمداستىرۋدى قامتاماسىز ەتەدى. مەكەمەنىڭ جوبالىق قۋاتى جىلىنا 24000 ليتر قاندى قۇرايدى.