دوپينگ ماسەلەسىمەن «قازاقستان بارىسىنان» شەتتەتىلگەن ءۇش بالۋان بيىلعى تۋرنيرگە قاتىساتىن بولدى
16:05, 29 - ماۋسىم 2016
استانا. قازاقپارات - دوپينگ ماسەلەسىمەن «قازاقستان بارىسى» تۋرنيرىنەن شەتتەتىلگەن ءۇش بالۋان بيىلعى تۋرنيرگە قاتىساتىن بولدى.
بۇل تۋرالى «قازاقستان بارىسى» قازاق كۇرەسىن دامىتۋ قورىنىڭ ءتوراعاسى ارمان شورايەۆ فەيسبۋكتەگى پاراقشاسىندا جاريا ەتتى.
«WADA دان جاقسى جاڭالىق كەلدى! نۇعىماروۆ، مامەدوۆ، تۇراشەۆ «قازاقستان بارىسىنا» قاتىسادى!»، دەپ جازدى ول.
ەسكە سالا كەتسەك، WADA تەكسەرىسىندە «قازاقستان بارىسى» تۋرنيرىنەن «قازاقستان بارىسى» ءتۋرنيرىنىڭ ءتورت قاتىسۋشىسى مەرەكە تۇراشەۆ، الەكساندر كوساچەۆ، ايبەك نۇعىماروۆ جانە سامير مامەدوۆ مەلدونيي قولدانعانى ءۇشىن جارىستاردان شەتتەتىلگەن بولاتىن.
ەستەرىڭىزگە سالا كەتەيىك، «قازاقستان بارىسى-2016» ءتۋرنيرى 3 -شىلدە كۇنى استانادا وتەدى.