قىتاي موبيلدى قوسىمشالاردى باقىلاۋدى كۇشەيتپەك
بۇل تۋرالى «حۋانتسيۋ شيباو» گازەتى حابارلادى.
سەيسەنبى كۇنى ماقۇلدانعان قاۋلىعا سايكەس ازىرلەۋشىلەر قوسىمشالاردى قولدانۋشىلاردى شىن اتى-جونىمەن تىركەۋگە جانە باعدارلامالارىنىڭ كومەگىمەن بەرىلەتىن اقپاراتتىڭ مونيتورينگىن جۇرگىزۋگە مىندەتتى. قىتايدىڭ زاڭناماسىن بۇزاتىن تۇلعالاردىڭ ەسەپتىك جازبالارى ءماجبۇرلى تۇردە جابىلادى.
سونداي-اق ازىرلەۋشىلەر پايدالانۋشىلاردىڭ بەلسەندىلىگى تۋرالى اقپاراتتى كەمى 60 كۇن ساقتاۋى ءتيىس. ءموبيلدى قوسىمشالار دۇكەندەرىنىڭ يەلەرىن ءوز پلاتفورمالارىندا باعدارلامالار ساتاتىن ازىرلەۋشىلەردى قاتاڭ تەكسەرۋگە مىندەتتەيدى، دەيدى ت ا س س.
جاڭا ەرەجەلەر بيىلعى 1- تامىزدان باستاپ كۇشىنە ەنەدى. قاۋلىدا كورسەتىلگەندەي، اتالمىش ەرەجەلەر قىتايدىڭ موبيلدى عالامتور پايدالانۋشىلارىن تەرروريزم، الاياقتىق، پورنوگرافيا، جالعان مالىمەت تاراتۋدان جانە اقپاراتتىڭ ۇرلانۋىنان قورعايدى.
2015-جىلدىڭ سوڭىندا ق ح ر- دا عالامتور پايدالانۋشىلاردىڭ سانى 688 ميلليونعا جەتكەن. ونىڭ ىشىندە 620 ميلليون قولدانۋشى جەلىگە سمارتفون ارقىلى كىرگەن. ع ا م ك مالىمەتىنشە قىتاي دۇكەندەرىندە قازىر 4 ميلليوننان استام باعدارلاما ساتىلادى.