قىتايداعى قانداسىمىز بەلگىلى فوتوگراف س. مۇقىشتىڭ تاڭداۋلى سۋرەتتەرى قازاقستان سايتىنا جاريالاندى
«كورىكتى مەكەن كورىنىستەرى - اي» دەگەن تاقىتىپتاعى فوتولار توپتاماسىندا قىتايداعى جايلاۋلار مەن تابيعات كورىنىستەرى تۇسىرىلگەن .
كوك اسپانمەن تىلدەسكەن اسقار تاۋلار، بيىك بەتكەيدەگى ارشا مەن قاراعاي ، كىلەم ورنەگىندەي جايقالا تىزىلگەن كوك مايسا - كورگەن ادامدى وزىنە تارتىپ، باۋراماي قويمايتىنى انىق . سوزبەن ايتىپ جەتكىزە المايتىن تابيعاتتىڭ وسىناۋ عاجايىبىن تەك كورۋ كەرەك . ال كوز اربايتىن ونداي قۇبىلىستى كورسەتە ءبىلۋدىڭ ءوزى ۇلكەن شەبەرلىك . قىتايداعى بەلگىلى فوتوگراف سەرىك مۇقىشتىڭ فوتوسۋرەتتەرىن ۇسىنعانداعى سەبەپتىڭ ءبىرى دە - وسى تامساندىراتىن ونەردى باعالاۋ. تابيعاتتىڭ جارىقپەن، كولەڭكەمەن، كۇنگەي ءھام كۇننىڭ نۇرىمەن كومكەرىلگەن بوياۋلارىن كوز الدىڭىزعا كەلتىرۋدىڭ ءوزى ۇلكەن ەڭبەك. ەندەشە ، قانداسىمىز سەرىك مۇقىش تۇسىرگەن قىتايداعى جايلاۋ مەن تابيعاتتىڭ كورىكتى مەكەن كورىنىستەرىن مىنا سىلتەمە ارقىلى تاماشالاڭىزدار .