ماقپال يسابەكوۆا وسى كۇنگە دەيىن تىڭدارماندارىن الداپ كەلگەنىن ايتتى
ەندى ءانشى ءوزىنىڭ بۇل ءسوزىن قالجىڭعا بالاپ، حيرۋرگ مامانداردىڭ كومەگىنە جۇگىنبەگەندىگىن جەتكىزدى.
بۇل تۋرالى Stan.kz حابارلايدى.
وسى ۋاقىتقا دەيىن ماقپال يسابەكوۆا قاباعىنا پلاستيكالىق وتا جاساتقانىن ايتقان بولاتىن. ءتىپتى، مۇنىڭ دالەلى رەتىندە ۆيدەو سالعان-دى. ەندى ءانشى ءوز سوزىنەن باس تارتىپ، ەش ۋاقىتتا وتا جاساتپاعانىن ايتتى.
اتالعان ۆيدەودان كەيىن كوپشىلىك انشىدەن وتا جاساتقان حيرۋرگى تۋرالى سۇراي باستاعان سىڭايلى. ءارقايسىسىنا ءبىر-بىردەن جاۋاپ بەرمەس ءۇشىن بۇل تۋرالى پاراقشاسىندا جازۋدى ءجون كورگەن.
«ماعان ەۋروپالىق قاباق نەمەسە بلەفاروپلاستيكا جاساعان حيرۋرگ جەر بەتىندە جوق. تاعى دا ايتامىن، مۇنداي ادام جوق! ارينە، مۇنداي وتا جاسايتىن حيرۋرگ ماماندار بار، الايدا مەن ەشقاشان ولاردىڭ كومەگىنە جۇگىنگەن ەمەسپىن. مەنىڭ قاباعىم وزىمدىكى، ونى سونداي جاقسى كورەمىن.
كەيىن قارتايعاندا كەي تەرىمدى كەستىرەتىن شىعارمىن، ءدال قازىر قاجەتتىلىكتى سەزىنبەيمىن. Superstar كەزىندە ينستاگرام بولماعاندىقتان، مەنىڭ بۇرىن تولىق بولعانىمدى كوپ ادام بىلە بەرمەيدى. وسىدان 6-7 جىل بۇرىن بەتىم تومپاق بولىپ قاباعىمدى جاۋىپ تۇراتىن»، - دەيدى ءانشى.
دەسە دە، الەۋمەتتىك جەلى قولدانۋشىلارى ءانشىنىڭ بۇل سوزىنە سەنبەگەن سىڭايلى. «جارايدى ەندى وتىرىك اقتالماشى. ماعان سەنىڭ پلاستيكالىق وتا جاساتقان، جاساتپاعانىڭ ءبارىبىر. جۇرت نە دەسە دە، ءتانىڭ وزىڭدىكى عوي» دەيدى جەلى قولدانۋشىلارىنىڭ ءبىرى. ال ەكىنشىلەرى ماقپال يسابەكوۆانىڭ بۇرىنعىسىنان دا سۇلۋ بولا تۇسكەنىن تىلگە تيەك ەتكەن.