قىرعىزستاندا ميتينگىگە شىققاندار جوعارعى سوتقا باسىپ كىرمەكشى بولدى - فوتو
ولاردىڭ تۋىستارىن قولداۋدا «ايكول-الا-توو» قوعامدىق بىرلەستىگى ۇيىمداستىرعان نارازىلىق اكسياسى بارىسىندا سوت بيلىگىنىڭ شەشىمىنە نارازى مينتينگىگە قاتىسۋشىلار مەتال قورشاۋدان ءوتىپ، جوعارعى سوت عيماراتىنا كىرۋگە تىرىستى.
جۇزدەگەن حالىق بۇدان بۇرىن سوتتالعان ارنايى قىزمەت قىزمەتكەرلەرىنىڭ ۇكىمىن جۇمسارتۋعا قاتىستى جوعارعى سوت ينستاتسياسىنىڭ شەشىمىنە نارازىلىق تانىتتى.
ءساۋىر وقيعالارىنىڭ قاتىسۋشىسى كۋبانىچبەك شارشەنبايەۆتىڭ ايتۋىنشا، ميتينگكە 7- ساۋىردە زارداپ شەككەن، قازا تاپقان ادامداردىڭ تۋىستارى شىققان.
«ءبىز مۇندا جوعارعى سوت باسقا ساتىداعى سوت شەشىمدەرىن جويسىن دەپ كەلدىك. سوڭعى شەشىم 20- شىلدەدە قابىلدانادى. ءبىز مىندەتتى تۇردە كەلەمىز، بۇدان دا كوپ حالىق جينايمىز. قىرعىزستاندا ەشقانداي راقىمشىلىق جوق. ولار شىعىپ، قانداي راقىمشىلىق قولدانعانىن ايتسىن. ولار «الفا» اسكەرىن اقتادى: ەگەر ادامدارعا ولار وق اتپاسا، كىم اتتى؟ ولار جاپپاي حالىقتى ولتىرگەن قىلمىسكەرلەردى اقتاماق»، - دەدى ول.
ولارعا جاۋاپ بەرۋگە شىققان ءساۋىر وقيعالارى تۋرالى ىستە ءتوراعالىق ەتەتىن جوعارى سوت ءتوراعاسىنىڭ ورىنباسارى كاچىكە ەسەنكانوۆ 27- ماۋسىمعا بەلگىلەنگەن ءىستى قاراۋ ءتورت سوتتالۋشىنىڭ ادۆوكاتى بولماۋىنا بايلانىستى كەيىنگە قالدىرىلعانىن مالىمدەدى. كەلەسى وتىرىس 20- شىلدەدە وتەدى.
سۋديالار قىلمىستىق ءىس ماتەريالدارىن زەردەلەۋى قاجەت. ول سونداي-اق قىرعىزستان اسكەري سوتى جەتى جازاسىن وتەۋشىگە قاتىستى راقىمشىلىق قابىلداعانىن ايتتى. الايدا جوعارعى سوت شەشىمىنە دەيىن راقىمشىلىقتى ورىنداۋ توقتاتىلعان.