مادريدتە العاشقى قازاقستان-يسپان رەكتورلار فورۋمى ءوتتى
العاشقى قازاقستان-يسپان جوعارعى وقۋ ورىندار (ج و و) رەكتورلارىنىڭ فورۋمى ءوتتى، دەپ حابارلادى ق ر س ءى م باسپا ءسوز قىزمەتى.
فورۋمعا 26 قازاقستاندىق جانە 18 يسپان جەتەكشى ج و و- لارى وكىلدەرى قاتىستى.
فورۋمنىڭ ەكى كۇندىك باعدارلاماسىندا سەمينارلار مەن قازاقستان جانە يسپانيا جوعارعى وقۋ ورىندارى اراسىندا ەكىجاقتى كەزدەسۋلەر قاراستىرىلعان.
ءىس-شارا شەڭبەرىندە وزەكتى ماسەلەلەر بويىنشا پانەلدى سەسسيالار ءوتتى. ولاردىڭ اراسىندا ۋنيۆەرسيتتەتتەر مەن ىسكەرلىك توپتار اراسىنداعى ارىپتەستىك تاجىريبەسى، ءتىل ساياساتىنىڭ ىسكە اسۋى، شەت تىلدەردى مەڭگەرۋ، سونىڭ ىشىندە ج و و- لاردا يسپان ءتىلىن مەڭگەرۋ، قازاقستان جانە يسپانيا ۋنيۆەرسيتەتتەرى اراسىندا عىلىمي ارىپتەستىك نىسانى، Erasmus+ باعدارلاماسى شەڭبەرىندە ارىپتەستىك مۇمكىنشىلىكتەر بولدى.
قازاقستاننىڭ يسپانياداعى ەلشىسى باقىت دۇيسەنبايەۆ ءوز سوزىندە يسپانيامەن ەكىجاقتى ستراتەگيالىق سەرىكتەستىك شەڭبەرىندە ەرەكشە ەكپىن قازاقستان مەن يسپانيا وقۋ ورىندارى اراسىنداعى ءبىلىم سالاسىنداعى ءىس-قيمىلعا جاسالاتىنىن ايتتى. ءبىزدىڭ ەلدەر اراسىندا بازالىق ۇكىمەتارالىق مادەنيەت پەن ءبىلىم سالاسىنداعى كەلىسىم ارەكەت ەتۋدە (1997 ج. 27- قازانىندا جاسالعان).
وسىعان وراي ەلشى قاتىسۋشىلاردى اتالعان الاڭ مەن حالىقارالىق كەلىسىمدى، ەكىجاقتى جوعارعى وقۋ ورىندار اراسىنداعى ارىپتەستىكتى جانە Erasmus+ باعدارلاماسى سەكىلدى حالىقارالىق باعدارلامالاردى جانداندىرۋ ءۇشىن بەلسەندى قاتىسۋعا ۇندەدى.
فورۋم سوڭىندا قازاقستان مەن يسپانيا رەكتورلارىنىڭ قاۋىمداستىقتارى اراسىندا جانە جەتىسۋ مەملەكەتتىك ۋنيۆەرسيتەتى مەن مادريد پوليتەحنيكالىق ۋنيۆەرسيتەتى جانە كاديس ۋنيۆەرسيتەتى اراسىندا مەموراندۋمدارعا قول قويىلدى.