ەلشى: قازاقستان ديپلوماتتارىنا شەتەلدە جۇمىس ىستەۋ وتە جەڭىل
بۇل تۋرالى بۇگىن استانادا وتكەن باسپا ءسوز ءماسليحاتىندا قازاقستان رەسپۋبليكاسىنىڭ ۆەنگرياداعى ەلشىسى، ماكەدونياداعى جانە سەربياداعى توتەنشە جانە وكىلەتتى ەلشىسى مىندەتىن قوسا اتقارۋشى نۇرباح رۇستەموۆ ءمالىم ەتتى.
«شىنىن ايتسام، قىزمەتىمنىڭ ءبىرىنشى كۇنىنەن باستاپ ماعان اتالعان ەلدەردە جۇمىس ىستەۋ وڭاي بولدى. جالپى قازاقستاندىق ديپلوماتتارعا شەتەلدە جۇمىس ىستەۋ جەڭىل. نەلىكتەن؟ سەبەبى قازاقستاننىڭ، ءبىزدىڭ ەلباسىمىز نۇرسۇلتان نازاربايەۆتىڭ ابىرويى وتە جوعارى»، - دەپ اتاپ ءوتتى ن. رۇستەموۆ.
ونىڭ سوزىنە قاراعاندا، ارىپتەستەرىمەن قانداي دا ءبىر تاقىرىپتى تالقىلاۋ كەزىندە پروبلەمالارعا تاپ بولماعان ەكەن. «بىزدە كەزدەسۋلەر دە، اشىق پىكىر الماسۋلار دا وتەدى جانە ءبىز بارلىق تاقىرىپتاردى وتە جەڭىل تالقىلايمىز. ەگەر دە قانداي دا ءبىر تۇسىنىكسىز ماسەلەلەر تۋىنداسا، ءبىز ولاردى كەز كەلگەن دەڭگەيدە بايسالدى تۇردە تالقىعا سالامىز»، - دەدى ەلشى.
ونىڭ ايتۋىنشا، اتالعان ءۇش ەلمەن ساۋدا-ەكونوميكالىق قاتىناستاردى دامىتۋدا كەيبىر قيىندىقتار تۋىندايتىن كەزدەر بولادى. بۇل رەتتە ن. رۇستەموۆ وسى ماسەلە بويىنشا ديلوماتتار ءتيىستى جۇمىستاردى اتقارىپ جاتقاندىعىن اتاپ ءوتتى.
اۆتور: رۋسلان عابباسوۆ