ۇلى بريتانيانىڭ ەۋروپالىق وداقتان شىعۋى مۇناي نارىعىنا اسەر ەتەدى - ۇ. قارابالين
بۇل پىكىردى بۇگىن «ەنەرگيا بولاشاعى جانە جاپوندىق تەحنولوگيا» اتتى جاپوندىق- قازاقستاندىق ىنتىماقتاستىق جونىندەگى سەمينار اياسىندا ب ا ق وكىلدەرىنە سۇحبات بەرگەن KAZENERGY قاۋىمداستىعى ءتوراعاسىنىڭ ورىنباسارى ۇزاقباي قارابالين.
«بۇل باعاعا اسەر ەتەدى. العاشقى قوزعالىستاردى وزدەرىڭىز دە بايقاپ وتىرسىزدار. مۇنايدىڭ بەلگىلى ءبىر دەڭگەيدە تومەندەۋى بايقالادى. قازىر باعانىڭ ەكونوميكالىق نەگىزى - مۇنايدىڭ باررەلى 50 دوللاردى شاماسىندا بەلگىلەنۋدە. باعا سۇرانىس، ءوندىرىس سىندى نارىقتىق فاكتورلار ەسەبىنەن قالىپتاسادى. كەيدە ءتۇرلى ساياسي ساتتەر دە ىقپال ەتەتىنى بار. مۇنى ءبىز بۇگىندە بايقاپ وتىرمىز»، - دەدى ول.
ەستەرىڭىزگە سالا كەتەيىك، 23 -ماۋسىمدا ۇلى بريتانيادا ەلدىڭ ەۋروپالىق وداق قۇرامىنا شىعۋ- شىقپاۋىنا قاتىستى رەفەرەندۋم وتكەن بولاتىن. ونىڭ ناتيجەسىندە ەل حالقىنىڭ 52 پايىزى وداق قۇرامىنان شىعۋدى جاقتاپ داۋىس بەردى.
اۆتور: مارلان جيەمباي