قازاقستان مەتالل سىنىقتارىن شىعارۋعا تىيىم سالۋعا نيەتتى
بۇل تۋرالى ق ر ي د م ءمينيسترى جەڭىس قاسىمبەك مالىمدەدى.
«مەتاللۋرگيا بويىنشا وتاندىق وندىرۋشىلەردە مەتالل سىنىقتارىنىڭ جەتىسپەۋىنە بايلانىستى جوسپارلى كورسەتكىشتەردىڭ وسىمىنە قول جەتكىزە الماۋ تاۋەكەلى بار. داعدارىسقا قارسى جوسپاردى ىسكە اسىرۋ اياسىندا مينيسترلىك قارا مەتالل قالدىقتارى مەن سىنىقتارىن پايدالانۋ، ونىڭ يمپورتى مەن ەكسپورتى بويىنشا تالداۋ جۇرگىزدى»، - دەدى تەمىرتاۋدا پرەمەر-مينيستر ك. ءماسىموۆتىڭ قاتىسۋىمەن وتكەن كەن-مەتاللۋرگياداعى جاعداي بويىنشا وتكەن ماجىلىستە ج. قاسىمبەك.
ونىڭ ايتۋىنشا، مەتالل سىنىقتارىنىڭ جەتىسپەۋشىلىگى - وتكىر ماسەلە.
«ءسىزدىڭ تاپسىرماڭىز بويىنشا ءتۇستى مەتالل قالدىقتارى مەن سىنىقتارىن شىعارۋعا تىيىم سالۋ تۋرالى بۇيرىق جوباسى ازىرلەندى. بۇيرىق مەملەكەتتىك ورگاندار قاراۋىندا. تىيىمدى 2016-جىلعى 1- تامىزدان باستاپ ەنگىزۋدى جوسپارلاپ وتىرمىز»، - دەپ مالىمدەدى مينيستر.