بۇل تۋرالى Daily Mail سايتى اقپارىنا سۇيەنگەن ras.kz حابارلادى.
قازىرگە دەيىن سەرۆيس قىزمەتىن ەلدىڭ 35 مىڭنان استام تۇرعىنى پايدالانىپ ۇلگەرىپتى. سايتتىڭ نەگىزىن قالاۋشى 33 جاستاعى ازاد چايۆالا بۇعان قوسا بارلىق كونفەسسيا وكىلدەرىنە ارنالعان Polygamy.com اتتى جاڭا جوبانى دا ىسكە قوسىپتى. مۇندا دا 7 مىڭ پايدالانۋشى تىركەلىپ ۇلگەرگەن.
يدەيا اۆتورىن بريتانياداعى كوپ ايەل الۋشىلىقتىڭ 7 جىل مەرزىمگە دەيىن تۇرمەدە وتىرعىزۋمەن جازالاناتىن زاڭى دا توقتاتا الماي تۇر.
بۇعان چايۆالا مۇنى مۇسىلماندارعا ءتان ءداستۇرلى قۇندىلىقتار مەن جۇبايلىق ادالدىقتىڭ ساقتالۋى ءۇشىن جاساپ وتىرعانىن ايتىپ، جاۋاپ قايتارادى. ول سونداي-اق كوپ ايەل الۋشىلىقتىڭ قىز-كەلىنشەكتەردى جالعىزدىقتان قۇتقاراتىنىن العا تارتادى.
سونىمەن بىرگە، مۇسىلمان قاۋىمداستىعىنىڭ كوپتەگەن وكىلدەرى كوپ ايەل الۋشىلىقتى ۋاعىزدايتىن بۇل باستامانى ايىپتاپ شىقتى. ماسەلەن، مۇسىلمان پارلامەنت مۇشەسى حاليد ماحمۋد زاڭدى تۇرعىدا ەكىنشى جانە ودان باسقا دا ايەلدەردىڭ قورعالۋى جاعىنا نازار اۋدارۋدى ۇسىنادى.
«بۇل ايەلدەرگە وراسان زور قاۋىپ-قاتەر تۋدىرادى. سەبەبى، ول كۇيەۋىنىڭ مۇلىك-مۇكامالىنا ميراسقور رەتىندە قۇقىق الا المايدى»، - دەيدى ول.