قازاقستاندىق اۋىر اتلەتتەرگە وليمپياداعا قاتىسۋعا رۇقسات بەرىلدى

استانا. قازاقپارات - بىرنەشە ەلدىڭ جارىسقا قاتىسۋ قۇقىعىنان ايىرىلعان اۋىر اتلەت كوماندالارىن حالىقارالىق اۋىر اتلەتيكا فەدەراتسياسى اتقارۋ كوميتەتىنىڭ وتىرىسىنان كەيىن ريو-دە-جانەيرودا وتەتىن وليمپيادا ويىندارىنا قاتىستىرۋ جونىندە شەشىم قابىلداندى.

بۇل جونىندە «مير 24» تەلەارناسىنا سىلتەمە جاساي وتىرىپ، Sports.kz حابارلادى.

اتقارۋ كوميتەتىنىڭ مۇشەلەرى ءۇش كۇن بويى جابىق ەسىك جاعدايىندا جۇمىس ىستەپ، ب ا ق- پەن بايلانىسقا شىققان جوق. رەسەي، بەلارۋس، قازاقستان سپورتشىلارىنىڭ ريو وليمپياداسىنا قاتىسۋ-قاتىسپاۋى جونىندەگى ماسەلە سوڭىنا دەيىن كوپشىلىككە تاعات تاپتىرمادى.

اتقارۋ كوميتەتى مۇشەلەرىنىڭ ءبىرى: «وليمپياداعا ون ەمەس، سەگىز ادام بارادى. بۇل قازاقستان، بەلارۋس، ازەربايجانعا دا قاتىستى» - دەدى.

كونگرەسس جۇمىسى وتە كۇردەلى جاعدايدا ءوتتى. قاتىسۋشىلار سوڭعى ساتتەرگە دەيىن تانىستىرىلىمدار وتكىزىپ، ءار كومانداداعى دوپينگ داۋلارىن تالقىعا سالدى. قازىر كونگرەسس اياقتالىپ، قاتىسۋشىلارى اۋەجايعا اتتاندى.