بۇل جايىندا ساياساتكەر جۇمىس كۇنى وتكەن باسپا ءسوز كونفەرەنتسياسىندا ايتتى.
«مەن پرەمەر- مينيستر رەتىندە جاقىن ايلاردا كەمەنىڭ حال-احۋالىن جاقسارتۋ ءۇشىن قولىمنان كەلگەننىڭ بارلىعىن جاسادىم، ءبىراق، مەنىڭ ارى قاراي وسى كەمەنىڭ كاپيتانى رەتىندە قالۋىمنىڭ ءجونىن كورىپ وتىرعان جوقپىن»، - دەدى كەمەرون.
ونىڭ ايتۋىنشا ەلدىڭ جاڭا پرەمەر- ءمينسترى قازان ايىندا وتەتىن كونسەرۆاتيۆتى پارتيانىڭ كونفەرەنسياسىنا دەيىن تاعايىندالۋ كەرەك.
«بۇگىنگى تاڭدا ناقتى قۇرىلعىن كەستەنىڭ قاجەتتىلىگى شامالى، ءبىراق ءبىز قازان ايىندا وتەتىن كونسەرۆاتيۆتى پارتيانىڭ كونفەرەنسياسىنا دەيىن جاڭا پرەمەر-ءمينيستردى تاعايىنداۋ ءۇشىن ۇمتىلۋىمىز قاجەت»، - دەپ اتاپ كورسەتتى بريتاندىق پرەمەر- مينيستر.
دەگەنمەن، دەۆيد كەمەرون ۇلىبريتانيانىڭ ەۋروپالىق وداق ىشىندە مىقتىراق، قاۋىپسىز جانە جاقسىراق ەكەندىگىنە سەنىمىن ءبىلدىردى.
«مەن انگليانىڭ ەۋروپالىق وداق ىشىندە مىقتىراق، قاۋىپسىز ءارى جاقسىراق ەكەندىگىنە كامىل سەنىمدى بولدىم... الايدا، بريتاندىقتار باسقا جولمەن ءجۇرۋدى ۇيعاردى، سول سەبەپتى ولارعا وسى جاڭا جولمەن جۇرگىزەتىن جاڭا باسشى قاجەت»، - دەدى كەمەرون.
ۇلى بريتانيانىڭ بارلىق 382 وكرۋگى بويىنشا وتكىزىلگەن رەفەرەندۋمنىڭ ناتيجەسى بويىنشا: ۇلىبريتانيانىڭ ەۋروپالىق وداقتان شىعۋىنا 17 ميلليون 410 مىڭ 742 ادام، ياعني (Q,9)، ال ەۋروپالىق وداقتا قالۋىنا 16 ميلليون 141 مىڭ 241 ادام، ياعني (H,1) داۋىس بەرگەندىگىن ەسكە سالامىز.