استانادا كومىر ءوندىرۋ ىسىندەگى جاپون تەحنولوگياسىنىڭ جەتىستىكتەرى تانىستىرىلادى

دەپ حابارلادى KAZENERGY قاۋىمداستىعىنىڭ باسپا ءسوز قىزمەتى.

بۇل شارا جاپوندىق ساۋدا جونىندەگى قاۋىمداستىقپەن (ROTOBO) بىرلەسىپ ۇيىمداستىرىلماق. KAZENERGY - رەسمي سەرىكتەس، تەڭ ۇيىمداستىرۋشى. قاتىسۋشىلاردىڭ تىزىمىنە: مەمورگاندار، ۇلتتىق جانە حالىقارالىق كومپانيالار، بىرلەستىكتەر، سونىڭ ىشىندە: «JGC», «Metawater», «Toshiba», «Kawasaki Heavy Industries», «Chiyoda Corporation»  جانە باسقالارىنىڭ وكىلدەرى كىرەدى.

سەمينار باعدارلاماسى شەڭبەرىندە كومىر وندىرىسىندەگى جاپون تەحنولوگياسىنىڭ جەتىستىكتەرى تانىستىرىلادى.

قازاقستان رەسپۋبليكاسىنىڭ مۇناي-گاز سالاسىن عىلىمي-تەحنولوگيالىق دامىتۋ اسپەكتىلەرى، سونىمەن قاتار ەنەرگيا تيىمدىلىگى مەن ەنەرگيا ۇنەمدەۋدى ارتتىرۋ ماسەلەلەرى دە تالقىلانادى.

«بۇل شارا ق ر پرەزيدەنتى ن. ءا. نازاربايەۆتىڭ جاپونياعا ساپارى الدىندا وتپەك. سونىمەن قاتار، قازاقستان-جاپونيا كومپانيالارى اراسىنداعى سەرىكتەستىك بايلانىستى نىعايتىپ، ەنەرگەتيكا سالاسىنداعى جاپون تەحنولوگياسىمەن جان-جاقتى تانىسۋعا جول اشادى»، دەلىنگەن حابارلامادا.