اينۇر تۇرسىنبايەۆاعا ءۇش رەت شابۋىل جاسالدى

استانا. قازاقپارات - ايتىسكەر اقىننىڭ الەۋمەتتىك جەلىدەگى پاراقشاسىنا شابۋىل جاسالدى. تۇرسىنبايەۆا ءتيىستى ورگاندارعا ارىز جازۋعا ءماجبۇر بولعان.

ويتكەنى بۇزاقىلار پاراقشاسىنا ءبىر رەت ەمەس، ءۇش رەت شابۋىل جاساعان كورىنەدى.

بۇل تۋرالى Stan.kz حابارلايدى.

اينۇر تۇرسىنبايەۆانىڭ Instagram جەلىسىندەگى پاراقشاسىنا 3 رەت شابۋىل جاسالعان ەكەن. ايتىسكەر اقىن دەر كەزىندە قۇپيا ءسوزدى وزگەرتىپ ۇلگەرگەنىن ايتادى. دەسە دە، ءتيىستى ورگانداردىڭ كومەگىنە جۇگىنىپ، بۇزاقىنى ۇستاۋدى ءجون كورىپتى.

«3-4 كۇننەن بەرى پاراقشامدى تەك وقىرماندارىم قاراي الاتىنداي جاۋىپ قويعانمىن. ال كەشەدەن بەرى ءبىر كىسىلەر مەنىڭ ينستاگرام پاراقشامدى بۇزۋمەن اينالىسىپ جاتىر. ءۇش رەت بۇزىپ، مەن قۇپيا ءسوزدى اۋىستىرىپ ۇلگەردىم. بۇگىن امال جوق ۇ ق ك- گە ارىز جازدىم. ولار تابۋ ءۇشىن پوشتام مەن پاراقشامنىڭ قۇپيا ءسوزىن سۇرادى. امال جوق بەردىم. قالاي ويلايسىزدار، ولاردىڭ ماقساتى نە؟» - دەيدى اينۇر تۇرسىنبايەۆا.

بۇل جاڭالىقتى ەستىگەن جەلى قولدانۋشىلارى «ولاردىڭ ارام پيعىلدارىن وزدەرى عانا بىلەر. ءسىزدىڭ قاي جاعىڭىزدان، قاي قىرىڭىزدان ءمىن ىزدەپ جۇرگەندەرىن بىلمەدىم»، «مەن ءسىزدىڭ ونەرىڭىزگە ءتانتىمىن»، «ءسىز مەن ءۇشىن ءمىنسىز ايەلسىز. امان ءجۇرىڭىزشى»، «ەرىككەندەردىڭ ءىسى عوي»، «ادامدار قىزعانىشتان نە ىستەمەيدى» سىندى پىكىرلەر ءبىلدىرىپ، ايتىسكەرگە قولداۋ كورسەتكەن.

ازىرگە بۇزاقىلاردىڭ ۇستالىپ- ۇستالماعانى بەلگىسىز. دەسە دە، تۇرسىنبايەۆا ولاردى مىندەتتى تۇردە تاباتىندىعىن ايتادى.