استانادا قازاق كۇرەسىنەن الەم چەپمپيوناتى وتەدى
قانات بوزىمبايەۆ ەندى قازاق كۇرەسى فەدەراتسياسىن باسقاراتىن بولادى.
«قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي بيىل قازان-قاراشا ايلارىندا استانا قالاسىندا قازاق كۇرەسىنەن الەم چەمپيوناتىن ۇيىمداستىرامىز. كەلەسى جىلى، «ەكسپو-2017» كورمەسىنىڭ قارساڭىندا «الەم بارىسى» وتەدى»، - دەپ حابارلادى ق. بوزىمبايەۆ.
ايتا كەتەيىك، 3 -شىلدە كۇنى استانادا «قازاقستان بارىسى-2016» تۋرنيرىنىڭ فينالى بولادى.
«قازاقستان بارىسى» رەسپۋبليكالىق جارىسىنىڭ بيىلعى جەڭىمپازى 25 ميلليون تەڭگە، جەڭىل اۆتوكولىك پەن استانادان پاتەر يەلەنەدى.
ۇيىمداستىرۋشىلاردىڭ حابارلاۋىنشا، كورەرمەندەردىڭ بيلەتى بويىنشا دا اۆتوكولىك ويناتىلادى. بالۋاندار جارىسىن ««KazSport» » ارناسى، تۇركيانىڭ «TRT Avaz» ارناسى مەن رەسەيدىڭ «ماتچ!بوەتس» ارناسى تىكەلەي ەفيردەن كورسەتپەك.
اۆتور: كەنجەكەي توقتامۇرات قىزى