ورازانىڭ دەنساۋلىققا تيگىزەر پايداسى

استانا. قازاقپارات - ورازانىڭ مەديتسينا جاعىنان الىپ قاراعاندا دەنساۋلىققا تيگىزەر پايداسى زور ەكەن.

تومەندە ءبىز ادام اعزاسىندا بولىپ جاتاتىن وزگەرىستەر جايلى ءبىراز اقپاراتپەن ءبولىسۋدى ءجون كوردىك:

1-تازالانۋ كەزەڭى (1-2 كۇن)

ihsan.kz سايتىنىڭ مالىمەتى بويىنشا، ورازانىڭ العاشقى ەكى كۇنىندە باسىڭ قاتتى اۋرۋى مۇمكىن. بۇعان بولا ۋايىمداپ، ءدارى ىشۋگە اسىقپاعان ءجون! سەبەبى، بۇل ۋاقىتتا قانىمىزداعى قانت تومەندەيدى. جۇرەك سوعىسى باسەڭدەپ، قان قىسىمى تومەندەيدى. بۇلشىق ەتتەن گليكوگەن شىعىپ، السىزدىك پايدا بولادى. تازالانۋدىڭ العاشقى كۇندەرى ەڭ قيىن بولىپ كەلەدى.

2-تازالانۋ كەزەڭى (3-7- كۇنگە دەيىن)

ماي قىشقىلى قۇرامىنداعى مايلار ىدىراپ، گليتسەريدتەر مولەكۋلاسىنداعى گليتسەريندى بوساتىپ، گليۋكوزا اينالادى. بەت مايلانىپ كەتەدى. مۇنىڭ سەبەبى اعزا اشىعان مايدان ارىلىپ جاتادى. اعزا ورازاعا ۇيرەنە باستايدى، اس قورىتۋ جۇيەسى دەمالىپ، بارلىق كۇش تازالانۋعا جانە ەمدەلۋگە جۇمسالادى. قاننىڭ اق تۇيىرشىكتەرى مەن يممۋنيتەت جۇيەسىنىڭ بەلسەندىلىگى ارتادى. وكپە تۇسىڭىز اۋىرسىنۋى مۇمكىن. تازالانۋ ورگاندارى، وكپە جولدارى رەتكە كەلىپ، جاڭالانۋ پروتسەسسى ۇستىندە بولادى. تىنىسىڭىزدىڭ ءالى دە جاعىمسىز ءيىسى بار، ءتىلىڭىز دە اعارىپ تۇرادى. توق ىشەكتە دە وزگەرىستەر بولىپ، ىشەك قابىرعالارىنا جابىسقان ءناجىس اجىراتىلا باستايدى.

3-تازالانۋ كەزەڭى (8-15 كۇنگە دەيىن)

ءوزىڭدى سەرگەك سەزىنىپ، قۋاتىڭ تاسىپ جۇرەسىڭ. الايدا، ەسكى جارالارىڭ ءبىراز اۋىرسىنۋى مۇمكىن. بۇل اعزانىڭ ورازا كەزىندە ءوزىن- ءوزى ەمدەۋگە كوشكەنىن كورسەتەدى. اعزانىڭ بويىنداعى ءولى نە جاراقاتتانعان جەرىنە ليمفوتسيتتەر سەكرەتتەلگەن (شىرىشتى) زاتتاردى جەتكىزىپ، اقاۋلى جاسۋشالاردى جويۋعا كىرىسەدى.

4-تازالانۋ كەزەڭى (16- 30 كۇنگە دەيىن)

بۇل ۋاقىتتا اعزاڭىز اشىعۋعا ابدەن ۇيرەنگەن. قۋاتىڭىز تاسىپ، وي- ساناڭىز تىنىق. تازالانۋ كەزەڭدەرى قىسقارىپ، ءتىلىڭىز دە قىزعىلتتانىپ، تىنىسىڭىز تازا بولاتىن كۇندەر كەزدەسەدى. ورگاندارىڭىز ءوزىن- ءوزى ەمدەۋدى اياقتايدى. اعزا ءوزىن ءار ءتۇرلى اۋرۋ قوزدىرعىشتارىنان تازالاعاننان سوڭ، ورگاندار ەكى ەسە تەز جۇمىس جاساپ، اقاۋى بار جويىلعان جاسۋشالار ورنىن تولىقتىرادى. 20 كۇننەن سوڭ ساناڭىز تىنىق، جۇيكەڭىز تىنىش، قۋاتىڭىز كوپ، بويىڭىزدا ەرەكشە ءبىر ەركىندىك سەزىلەدى. ەستە ساقتاۋ قابىلەتىڭىز بۇرىنعىسىنان دا ارتادى.

ايان ءابدۋالي.