ەلوردادا جاس ورىنداۋشىلار بايقاۋى وتەدى

استانا. قازاقپارات - 22- ماۋسىمدا ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ساحناسىندا ەلوردانىڭ تالانتتى جاستارى مۋزىكالىق سايىسقا تۇسەدى.

بايقاۋ دومبىرا، قىل قوبىز، پريما قوبىز بەن جەتىگەن نوميناتسيالارى بويىنشا وتەدى، دەپ حابارلادى قالا اكىمىنىڭ astana.gov.kz رەسمي سايتى.

- بايقاۋ شىعارماشىل جاستاردى قولداۋعا، ۇلتتىق سالت-داستۇرلەرىمىزدى نىعايتۋعا باعىتتالعان. سونىمەن قاتار، بۇل ەلوردالىق تالانتتى جاستاردى انىقتاۋدىڭ جاقسى مۇمكىندىگى، - دەدى استانا قالاسىنىڭ جاستار ساياساتى ماسەلەلەرى باسقارماسى باسشىسىنىڭ مىندەتىن اتقارۋشى ەربول رىسبايەۆ.

بايقاۋ جاستاردى تاربيەلەۋ كەزىندە ۇلتتىق سالت-داستۇرلەردى كەڭىنەن تاراتۋ جانە ۇرپاقتار ساباقتاستىعى بويىنشا ءىس-شارالار اياسىندا ۇيىمداستىرىلادى. شارا بارىسىندا 14 پەن 25 جاس ارالىعىنداعى جاستار ۇلتتىق اسپاپتاردا ويناۋ شەبەرلىگىن كورسەتەدى.