رامازان ايىنىڭ قۇرمەتىنە «تەگىن تاكسي» قىزمەت كورسەتتى

استانا. قازاقپارات - ق م د ب- نىڭ قىزىلوردا وبلىسى بويىنشا وكىلدىگى، ورتالىق «اقمەشىت- سىرداريا» مەشىتىنىڭ باستاماسىمەن قالامىزدا رامازان ايىنىڭ قۇرمەتىنە «تەگىن تاكسي» قىزمەتىن ۇيىمداستاردى، - دەپ حابارلايدى Tengrinews.kz ءتىلشىسى قىزىلوردا وبلىستىق «اقمەشىت- سىرداريا» مەشىتىنىڭ باسپا ءسوز قىزمەتىنىڭ وكىلدەرىنە سىلتەمە جاساپ.

ورتالىق «اقمەشىت- سىرداريا» مەشىتى مەن قالاعا قاراستى قالالىق مەشىتتەردىڭ بىرىگۋىمەن بارلىعى 27 جەڭىل كولىك قالا تۇرعىندارىنىڭ يگىلىگىنە قىزمەت جاسادى.

اتاپ ايتار بولساق «سىباعا»، «جاينا»، «سۇلتان» ساۋدا ورتالىقتارى مەن حالىق كوپ شوعىرلاناتىن ورىنداردا بۇل جەڭىل كولىكتەر جۇگى بار حالىقتى تەگىن تاسىدى.

«رامازان ايىنىڭ قۇرمەتىنە حالىققا قىزمەت كورسەتۋ، قاسيەتتى ايدىڭ كەلۋىندەگى قۋانىشتى سەزىندىرۋ، ساۋاپتى امالداردىڭ ماڭىزدىلىعىن ۇعىندىرۋ، قايىرىمدىلىق كورسەتۋ، حالىققا جەڭىلدىك جاساۋ ماقساتىنداعى بۇل شارانىڭ ماڭىزدىلىعى زور» - دەپ اتاپ ءوتتى وكىل يمام تالعات سەيىتكارىم ۇلى.

يگى باستاما جۇرتىشىلىق كوڭىلىنەن شىعىپ، جەرگىلىكتى بۇقارالىق اقپارات قۇرالدارى ارقىلى اقپاراتتاندىرىلدى.