ەلىمىزدە ۇزدىك دارىگەرلەر مەن ەمحانالار انىقتالدى

سالتاناتتى شارادا مەديتسينا قىزمەتكەرلەرىنە ەرەكشە قۇرمەت كورسەتىلىپ، قازاق ەستراداسىنىڭ جۇلدىزدارى دارىگەرلەر الدىندا ءان شىرقادى.

سونداي- اق، دارىگەر، اۋىل دارىگەرى، مەيىربيكە، فەلدشەر، دەنساۋلىق ساقتاۋ سالاسىنىڭ تاۋەلسىز ساراپشىسى، مەنەدجەر، پروۆيزور، مەديتسينالىق- الەۋمەتتىك ساراپتامانىڭ ساراپشىسى سەكىلدى توعىز اتالىم بويىنشا ءوز كاسىبىنىڭ ۇزدىكتەرى انىقتالدى. ال استانا قالاسىنىڭ №8 ەمحاناسى مەن الماتىنىڭ №17 ەمحاناسى قازاقستاننىڭ وزىق مەديتسينالىق مەكەمەسى بولىپ تانىلدى.

 تامارا دۇيسەنوۆا، ق ر دەنساۋلىق ساقتاۋ جانە الەۋمەتتىك قورعاۋ ءمينيسترى:

- وسى يگى ءىستىڭ باسىندا جۇرگەن اقحالاتتى ابزال جاندارىمىزعا، رەسپۋبليكا كولەمىندە جۇمىس ىستەپ جاتقان 70 مىڭعا جۋىق دارىگەر مەن 164 مىڭعا جۋىق ورتا مەديتسينالىق قىزمەتكەرگە ۇلكەن العىسىمدى ءبىلدىرىپ، ءتول مەرەكەلەرىڭىز قۇتتى بولسىن دەيمىن.

تامارا ۋتاگانوۆا، «ۇزدىك دارىگەر» اتالىمى بويىنشا جەڭىمپاز:

 - دارىگەر -  دەگەن ۇلكەن ارىپپەن جازىلعان مامان. ول تەك قانا ادامداردىڭ جانىن ساقتاپ قويماي، دەنساۋلىق ساقتاۋ ءۇشىن بۇكىل امالدارىن جاساۋعا كومەكتەسۋ، اۋرۋلاردىڭ الدىن الۋمەن اينالىسادى. سوندىقتان بۇل ماماندىقتىڭ الدىندا تۇرعان جاۋاپكەرشىلىك وتە ۇلكەن دەپ ەسەپتەيمىن.

www.24.kz