بيىلعى جىلى «ايبىن» جيىنىنا قاتىسۋشىلار روبوتتار مەن وزدىگىنەن ۇشاتىن اپپاراتتار جاسادى - فوتو
سونىمەن قاتار، «قازاقستان ينجينيرينگ» ۇ ق» ا ق ۇيىمداستىرۋىمەن العاش رەت «مەنىڭ روبوتىم» بايقاۋى ءوتتى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
بۇل بايقاۋ بارىسىندا ءار كوماندا روبوت پەن روبوتتالعان جۇيەنىڭ ۇلگىلەرىن كورسەتتى. كورمەدە 30 دان اسا روبوت ونىمدەرى كورسەتىلدى. ولاردىڭ ىشىندە، مينا ىزدەگىش روبوتتار، وزدىگىنەن ۇشاتىن اپپاراتتارىنان بارلاۋشىلار، اسكەري- اۋە بارلاۋىنا ارنالعان كۆادروكوپتەرلەر. اتالعان روبوتتار كورەرمەندەر الدىنداعى تىكەلەي ەفيردە ءوز مۇمكىندىكتەرى مەن قىزمەتتەرىن كورسەتتى.
كورسەتىلگەن روبوتتاردىڭ بارلىعى جيناۋ كۇردەلىلىگى، جۇكتەلگەن مىندەتتى ورىنداۋى جانە پايدالى جۇمىسى جاعىنان باعالاندى. ءار سانات بويىنشا ناقتى ۇپاي جازىلدى. ۇپاي سانى بويىنشا جەڭىمپاز انىقتالدى.
سونىمەن قاتار «مەنىڭ ۇشقىشسىز ۇشۋ اپپاراتىم» بايقاۋى كەزىندە قاتىسۋشىلار ءوز ارالارىندا جارىستى. اۋە كەڭىستىگىندە دروندى ۇزاق ۇستاپ تۇرا العان قاتىسۋشى بايقاۋدىڭ كەلەسى كەزەڭىنە جولداما الدى. وسىلايشا، ولاردىڭ ىشىنەن ۇزدىك وندىق ىرىكتەلدى. نۇسقاۋشىلار دروندارمەن قالاي جۇمىس جاساۋ كەرەكتىگىن ۇيرەتتى.
جارىسقا قاتىسۋشىلار بايقاۋ باستالار الدىندا اپپاراتتاردى باسقارۋ ءۇشىن تاجىريبە جيناقتادى. كورەرمەندەر ۇلكەن ەكراننان تىكەلەي ەفيردە وزدەرىنىڭ سۇيىكتى كوماندالارىنىڭ جەڭىستەرىن باقىلادى. اتالعان سىناق ءتۇرى بارىسىندا دروندار ءتۇرلى كەدەرگىلەردەن ۇشتى.
سىناقتىڭ ناتيجەسىندە درونى قۇلاماي بارلىق كەدەرگىلەردەن وتكەن جەڭىمپازدار ۇشتىگى انىقتالدى. سالتاناتتى جابىلۋ ءراسىمى كەزىندە قورعانىس ۆەدومستۆاسىنىڭ باسشىسى يمانعالي تاسماعامبەتوۆ «قازاقستان ينجينيرينگ» ۇ ق» ا ق وتكىزىپ وتىرعان روبوت تەحنيكالارى مەن ۇشقىشسىز ۇشۋ اپپاراتارىنىڭ كورمەسىن ارالادى. كورمە اياسىندا ءار قاتىسۋشى ءوز روبوت ءونىمىنىڭ قۇراستىرۋ كۇردەلىلىگىن سيپاتتاپ قانا قويماي، سونىمەن قوسا ونىڭ مۇمكىندىكتەرى مەن قىزمەتتەرىن دە كورسەتتى. كورەرمەندەر الدىندا ۇشقىشسىز ۇشۋ اپپاراتتارىنىڭ كورسەتىلىمى ءوتتى.
ق ر بىرنەشە مارتە چەمپيوندارى جانە حالىقارالىق جارىستاردىڭ جەڭىمپازدارى ۇشاقتار مەن تىكۇشاقتار ۇلگىلەرىندە ۇشۋدى كورسەتتى. «مەنىڭ روبوتىم» بايقاۋىندا ءال- فارابي اتىنداعى قازاق ۇلتتىق ۋنيۆەرسيتەتى اسكەري كافەدراسىنىڭ ستۋدەنتى داستان راحاتوۆ، ال «مەنىڭ ۇشقىشسىز ۇشۋ اپپاراتىم» بايقاۋىندا «ارىستان» مامانداندىرىلعان ليسەيىنىڭ تاربيەلەنۋشىسى قايسار بەردىعۇلوۆ جەڭىمپاز اتانعاندى.