بۇل تۋرالى The Wall Street Journal اقپارىنا سۇيەنگەن ras.kz حابارلادى.
بۇل باستاما بۇكىلالەمدىك يندۋيستەر كەڭەسىنەن شىعىپ، پرەمەر- مينيستر نارەندرا موديگە ۇسىنىس بولىپ جەتكەن. ەندى ونى پارلامەنتتىڭ شىلدە ايىندا وتەتىن جاڭا سەسسياسى قاراعالى وتىر.
«سيىر ءبىزدىڭ ءومىرىمىزدىڭ سيمۆولى، مادەنيەتىمىزدىڭ جانى بولىپ تابىلادى. ال وعان قازىر جەتكىلىكتى كوڭىل ءبولىنىپ جاتقان جوق»، - دەپ مالىمدەدى اتىن اتاماعان شەنەۋنىك.
ونىڭ ايتۋىنشا، يدەيانىڭ ءمانى سيىرلاردى قىرىلىپ كەتۋدەن ساقتاۋعا باعىتتالادى. سيىر كوبەيسە، ەلدى سۇتپەن قامتاماسىز ەتۋ جايى دا جاقسارا تۇسەدى.
WSJ ءۇندىستاندا ءىرى قارا مالىن سويۋدىڭ كوپتەن بەرى ۇلكەن ماسەلەگە اينالعانىن ايتتى. مۇنداي ارەكەتتەر قوعامدا بىردەن قاتتى قارسىلىققا ۇشىرايدى.
مىسالى، وتكەن جىلى سيىر ەتىن جەگەنى ءۇشىن مۇسىلمان كىسى جۇرتتىڭ تەپكىسىنىڭ استىندا قالىپ، ازاپتالىپ ءولدى. وسىنىڭ سالدارىنان ەلدە ەكى جاقتى تەكەتىرەستەر بوي كوتەرىپ كەتتى.