«قازاقستاندا 20 جىلداي تۇرامىن. 1998-جىلدان بەرى قازاق ءتىلىن ۇيرەنىپ كەلەمىن. ءاۋ باستا، ءوزىم اينابۇلاقتا تۇرعاندىقتان، بازارعا بارىپ، وندا جەرگىلىكتى ادامدارمەن اۋىزەكى سويلەسىپ، تىلدەرىن ۇعا باستادىم. تۇرمىستىق دەڭگەيدە ءتىل قاتىسۋ ءۇشىن 6 ايداي ۋاقىت كەتتى. شىنى كەرەك، ءالى دە تازا سويلەي المايمىن، ءبىراق كۇندەردىڭ كۇنىندە مۇدىرمەي سويلەيتىن بولامىن»، - دەيدى گارولد نەسبيتت.
ايتۋىنشا، ول ەلىمىزدە تۇرىپ جاتقان وسى ۋاقىت ىشىندە تەك قازاق تىلىنە ۇيرەنۋگە دەن قويعاندىقتان، ورىسشا بىلمەيدى. مۇنىسى ونى كەيدە ىڭعايسىز جاعدايعا قالدىرادى ەكەن.
«تۇرىمە قاراپ كوبىنە ورىس دەپ قالادى. ماعان ورىسشا ايتسا، تۇسىنبەي، قازاقشا جاۋاپ بەرەمىن. بۇعان شامداناتىندار دا بار. ماعان ورىس ءتىلىن دە ۇيرەنۋ قاجەت، ءبىراق الدىمەن لينگۆيستيكانى ءبىلىپ الۋىم كەرەك»، - دەپ سانايدى امەريكالىق.
گارولد نەسبيتت ءوز تاجىريبەسىمەن بولىسەتىن كەز كەلدى دەپ سانايدى. سوندىقتان قازاق ءتىلىن بىلمەيتىندەرگە ءوزىنىڭ ادىستەمەسى بويىنشا ۇيرەنۋگە كومەكتەسپەكشى. ونىڭ ەڭ باستى قاعيداسى - تەوريانى جاتتاۋ ەمەس، كۇندەلىكتى سوزدەردى ەستە ساقتاۋ.