قازاقستانداعى ىسكەرلىك كليمات وتە قولايلى - رەسەيلىك بيزنەس وكىلى - فوتو

سانكت- پەتەربور. قازاقپارات - قازاقستانداعى ىسكەرلىك كليمات بارىنشا قولايلى.

بۇل پىكىردى «قازاقپارات» ح ا ا تىلشىسىمەن سانكت- پەتەربوردا ءوتىپ جاتقان XX حالىقارالىق ەكونوميكالىق فورۋم اياسىندا «ۆ ت ك «كاماز» ا ق باس ديرەكتورى رافايل گافەيەۆ ءبولىستى.

«كاماز» قازاقستاندا ءبىرىنشى جىل جۇمىس ىستەپ وتىرعان جوق، قازاقستاندىق نارىق بولعان، بولا بەرەدى جانە ت م د بويىنشا عانا ەمەس، تۇتاستاي شەتەلدە جۇمىس بويىنشا ماڭىزدى نارىقتاردىڭ ءبىرى بولماق. قازاقستانداعى ءبىزدىڭ ەكسپورتتىق ۇلەسىمىز ۇنەمى ءداستۇرلى تۇردە جوعارى بولعان، ول ەكى جىلدا 50 پايىزعا ارتتى»، - دەپ ىنتىماقتاستىق جەتىستىگىمەن ءبولىستى بيزنەسمەن.

ونىڭ ايتۋىنشا، «كاماز» تاراپىنان قازاقستانعا جالپى ينۆەستيتسيا 1 ميلليارد رۋبلدەن استام قاراجاتتى قۇرايدى جانە شەتەلدەگى كاسىپورىننىڭ مەيلىنشە جوعارى ينۆەستيتسياسى بولىپ تابىلادى.

«قازاقستاندا ىسكەرلىك كليمات وتە قولايلى دەپ ۇنەمى ايتاتىنمىن، ءالى دە سەنىمدىمىن. قازاقستاننىڭ مەملەكەتتىك ورگاندارىمەن جۇمىس ىستەۋ وتە قولايلى ءارى اسەرلى»، - دەپ اتاپ ءوتتى ر. گافەيەۆ.