استانادا قازاق جانە اعىلشىن تىلدەرىنەن تەگىن كۋرستار وتكىزىلۋدە

استانا. قازاقپارات - تىلدەردى دامىتۋ مەن قولدانۋدىڭ 2011-2020 -جىلدارعا ارنالعان مەملەكەتتىك باعدارلاماسىن ىسكە اسىرۋ اياسىندا ەلوردادا قازاق ءتىلىن ۇيرەتۋ بويىنشا كۋرستار اشىلدى.

تىڭداۋشىلاردىڭ جالپى سانى - 1500 ادام. وقۋ جىل سوڭىنا دەيىن جالعاسادى، دەپ حابارلادى قالا اكىمىنىڭ رەسمي سايتى.

قالالىق تىلدەردى دامىتۋ باسقارماسى مەملەكەتتىك قىزمەتشىلەرگە، بيۋدجەتتىك ۇيىمداردىڭ قىزمەتكەرلەرىنە، ەتنومادەني بىرلەستىكتەردىڭ وكىلدەرىنە جانە قالا تۇرعىندارىنا ارنالعان قازاق تىلىنەن تەگىن وقىتۋ كۋرستارىن ۇيىمداستىرادى. بىلىكتى ماماندار ساباقتاردى «ىسكەر» وقۋ ورتالىعىندا اپتاسىنا ەكى رەت وتكىزەدى.

سونىمەن قاتار، ەكسپو-2017 حالىقارالىق مامانداندىرىلعان كورمەسىنە دايىندىق اياسىندا الەۋمەتتىك سالا قىزمەتكەرلەرى ءۇشىن اعىلشىن تىلىنەن كۋرستار اشىلدى. تىڭداۋشىلار سانى - 600 ادام. سونداي-اق، 110 مەملەكەتتىك قىزمەتشى دە شەتەل ءتىلىن مەڭگەرۋدە.