استانادا قونۋ كەزىندە اسكەري ۇشاقتىڭ ەكى دوڭگەلەگى جارىلىپ كەتتى

استانا. قازاقپارات - استانا اۋەجايىنا قونۋ كەزىندە اسكەري ۇشاق شاسسيىنىڭ ەكى دوڭگەلەگى جارىلدى.

بۇل تۋرالى قازاقپارات تىلشىسىنە ق ر قورعانىس مينيسترلىگى باسپا ءسوز قىزمەتىنىڭ جەتەكشىسى جانار كولباچايەۆا حابارلادى.

«بۇگىن ساعات 13:37 كەزىندە استانادا قونعان تۋ-134 ۇشاعىنىڭ سول جاق شاسسيىنىڭ ەكى پنەۆماتيكالىق دوڭگەلەكتەرىنىڭ جارىلۋى وقيعاسى ورىن الدى. بارلىعى ءتورت دوڭگەلەكتىڭ ەكەۋى جارىلدى. بۇل اۆياتسيالىق فاكت اۆياتسيالىق وقيعا رەتىندە سارالانادى»، - دەدى ول.

ونىڭ سوزىنە قاراعاندا، ەكيپاج زارداپ شەككەن جوق، سونداي-اق ۇشاققا دا زاقىم كەلمەگەن. ءبىر ساعاتتان كەيىن ۇشاق تولىقتاي جوندەلدى.

«انىقتالعانداي، دوڭگەلەكتەر جاڭا بولعان. قونۋ ءتارتىبى شتاتتىق رەجىمدە جۇرگىزىلدى. سونىمەن قاتار ۇشقىشتىڭ قاتەلىگى دە ورىن المادى. الايدا، الدىن الا مالىمەتتەر بويىنشا قونۋ جولاعىندا بوگدە زات جاتقان بولۋى مۇمكىن»، - دەدى ج. كولباچيەۆا.

اۆتور: رۋسلان عابباسوۆ