كادرلاردى دايارلاۋدا كانادا مەن اۆستراليانىڭ دەڭگەيىنە ۇمتىلۋ كەرەك - ك. ءماسىموۆ
«ەڭبەك رەسۋرستارىنىڭ موبيلدىگىنە توقتالاتىن بولساق، ەكونوميكا قۇرىلىمى بويىنشا بىزگە ۇقساس ەلدەردى سالىستىرىپ كورىڭىزدەر. ولار دامۋدىڭ مۇلدەم باسقا دەڭگەيىندە تۇر. مىسالى، اۆستراليا مەن كانادانىڭ تاجىريبەسى ۇزدىك. ءبىز ولاردىڭ دەڭگەيىنە ۇمتىلۋىمىز كەرەك. ولاردا دا بەلگىلى ءبىر پروبلەمالار بار، ياعني مۇناي باعاسىنىڭ قۇلدىراۋى سەكىلدى ماسەلەنى ەڭسەرۋدە. الايدا، بۇل ەلدەردە ەڭبەك رەسۋرستارى جاقسى دايىندىقتان وتكەن. ەگەر دە ءبىر سەكتوردا كاسىپورىن جابىلسا، وندا جۇمىسشىلار وزدەرىنىڭ دايىندىق بىلىكتىلىگىنە قاراي باسقا وندىرىستەرگە اۋىسۋعا مۇمكىندىگى بار»، - دەدى ۇكىمەت باسشىسى.
وسى رەتتە ك. ءماسىموۆ ادامداردى دايارلاۋدى جانە قايتا دايارلىقتان وتكىزۋ باعىتتارىن تيىمدىرەك ەتۋ تۇرعىسىندا جۇمىس ىستەۋ كەرەكتىگىن اتاپ ءوتتى.
«پرەزيدەنتتىڭ تاپسىرماسى بويىنشا ۇكىمەتتە جۇمىس توبى قىزمەت ەتۋدە جانە جاقىن ارادا ءبىز ءتيىستى ۇسىنىستارمەن شىعامىز»، - دەدى پرەمەر- مينيستر.
اۆتور: رۋسلان عابباسوۆ