جارىسقا الەمنىڭ 7 ەلىنەن 19 كوماندا قاتىسادى. ولار - قىتاي، امەريكا قۇراما شتاتتارى، رەسەي فەدەراتسياسى، بەلورۋس رەسپۋبليكاسى، ۇلى بريتانيا، پاكىستان، سونداي-اق قازاقستان رەسپۋبليكاسىنىڭ كۇشتىك ۆەدومستۆالارى.
اتالعان جارىستى تۇركيا مەن ءۇندىستان ەلدەرىنىڭ وكىلدەرى باقىلايتىن بولادى. بيىلعى جىلعى مەرگەندىك جۇپتار سايىسىنىڭ باستى ەرەكشەلىگى بارلىق قاتىسۋشىلاردىڭ ءوز قارۋلارىمەن كەلەتىندىگىندە بولىپ وتىر. دالدەپ اتۋدىڭ شەبەرلەرى 5 كۇن بويى ءتۇرلى قاشىقتىققا جىلدام اتۋدان، بۇركەمەلەنۋ ماشىقتارى مەن ويلى-قىرلى جەرلەردى باعدارلاۋدان ۇزدىك اتاق ءۇشىن كۇرەسەتىن بولادى.
ەستەرىڭىزگە سالا كەتسەك، وتكەن جىلى «التىن ۇكى-2015» جارىسىندا قازاقستاننىڭ ارنايى ماقساتتاعى بولىمشەلەرى جەڭىمپاز اتانىپ، التىن كۋبوكتى يەلەندى. ءار كەزەڭ جوعارى دەڭگەيدەگى توزىمدىلىكتى، كۇش-جىگەردى، ساپالى كوماندالىق جۇمىس پەن ءار قاتىسۋشىنىڭ جاقسى دايارلىعىن تالاپ ەتەدى.
tengrinews.kz