بيىك قۇزدىڭ ورتاسىنا سالىنعان اينەك كوپىردىڭ ۇزىندىعى 430 مەتردى قۇراسا، شاتقالداعى بيىكتىگى 300 مەترگە جەتەدى. قۇرىلىسشىلار بۇل كوپىرمەن ءبىر ساتتە 800 ادام جۇرە الادى دەيدى. سونىمەن قاتار، ينجەنەرلىك تۇرعىدا الەمدىك رەكوردتاردىڭ ءوزىن شاڭ قاپتىرۋعا الەۋەتتى. ويتكەنى، بۇل الەمدەگى ەڭ ۇزىن شىنى كوپىر جانە سالماق اۋىرلىعى تۇرعىسىنان الدىنا ەشكىمدى تۇسىرمەيدى. ونىڭ ەرەكشەلىكتەرى مۇنىمەن بىتپەك ەمەس: كوپىر ماگنيتتىك، سۋ جانە ەلەكترلىك ۆيبراتسيا تۇراقتىلىعىن دا ساقتاي الادى.
كوپىردىڭ قاۋىپسىزدىگىن بايقاپ كورۋ ءۇشىن قۇراستىرۋشى ماماندار BBC تىلشىلەرىنە سىناق جۇرگىزدىرىپ كورگەن. تىلشىگە شىنى كوپىردىڭ قوسالقى بولىگىن زىلبالعامەن ۇرىپ، ونىڭ ۇستىمەن بار كۇشىمەن سەكىرىپ ءجۇرۋ ۇسىنىلعان.
بار كۇشىن سالىپ اۋىر تەمىرمەن ۇرعىلاعاننىڭ وزىندە تەك بەتكى قاباتى عانا شىتىناعان دا، قالعان بولىگىنە تيتتەي دە زاقىم كەلمەگەن.
Stan.kz