دۇنيەجۇزىلىك بانك شىمكەنتتە جول كارتاسى جوباسىن ازىرلەۋدە - فوتو

شىمكەنت. قازاقپارات - شىمكەنت قالاسىنىڭ اكىمى عابيدوللا ءابدىراحىموۆتىڭ توراعالىعىمەن قالالىق اگلومەراتسيانى دامىتۋ ماسەلەلەرى جونىندە كەڭەس ءوتتى، دەپ حابارلايدى و ق و اكىمدىگىنىڭ باسپا ءسوز قىزمەتى.

«قازىرگى ۋاقىتتا ق ر ۇلتتىق ەكونوميكا مينيسترلىگى مەن دۇنيەجۇزىلىك بانك وكىلدەرىمەن «ورتالىعى شىمكەنت جانە اقتوبە قالالارىنىڭ اگلومەراتسيالارى ورنالاسقان ستراتەگيالىق جانە ينستيتۋتسيونالدىق جول كارتاسى» اتتى جوبا دايىندالۋدا. الداعى ۋاقىتتا وسى ستراتەگيانى ىسكە اسىرۋ جۇمىستارى كۇتىپ تۇر» - دەپ ايتتى شاھار باسشىسى.

ءوز كەزەگىندە قارجى ينستيتۋتىنىڭ وكىلدەرى - جۇمىس توبىنىڭ جەتەكشىسى شاوليان ۆانگ پەن باس كەڭەسشى ستيۆ بۋردجس - اتالعان باعىتتا اتقارىلاتىن قادامداردى اتاپ، جوبانى كەلەشەكتەگى بولمىسىن ءتۇسىندىرىپ ايتتى. اگلومەراتسياعا شىمكەنت پەن ارىس قالالارى، بايدىبەك، قازىعۇرت، ورداباسى، سايرام، تولەبي، تۇلكىباس اۋداندارى كىرەدى دەپ جوسپارلانۋدا.

دۇنيەجۇزىلىك بانك وكىلدەرىنىڭ ايتۋىنشا، شىمكەنت اگلومەراتسياسى «جىبەك جولىنىڭ كىندىگى» رەتىندە حالىقارالىق ترانزيت ورتالىعى، باسەكەگە تۇراقتى اۋىل شارۋاشىلىق، وندىرىستىك ورتالىعى، زيارات، تۋريزم جانە سپورت ورتالىعى، سونىمەن قاتار، ادام پوتەنتسيالىن ىسكە اسىرۋ، ءومىردىڭ تۇراقتى جانە باقۋاتتى ورتالىعى رەتىندە داميدى. وسىلايشا، اگلومەراتسيا جوبانى ىسكە اسىرۋ ارقىلى ءوندىرىس پەن اگروونەركاسىپ كەشەنى، تۋريزم، تۇرعىن ءۇي - كوممۋنالدىق سالاسىندا داميدى. وتىرىس بارىسىندا بەلگىلى بولعانداي، ماۋسىنىڭ سوڭىندا شىمكەنت اگلومەراتسياسى بويىنشا ستراتەگيالىق بايانداما، قاراشانىڭ سوڭىنا دەيىن - اگلومەراتسيا باعىتىندا جۇمىس جوسپارى - 2017-2020-جىلدارى ارنالعان پريوريتەتتى ينۆەستيتسيالىق جانە باسقا دا باستامالار دايىندالادى.